الله يمسيك بالخير يا شيخ حسنيا طنط فرح.. مهم، وهام.. كلمتان فصيحتان صحيحتان.. لكن "المهم" هو استخدام كلٍّ في مكانها الصحيح
هام.. ضبطها هكذا: هامّ، يعني أصلها هامم بسكون الميم الاولى وتحريك الثانية حسب موقعها في الاعراب، وهي على وزن "فاعل" وهو صيغة اسم الفاعل من الفعل الثلاثي، فالفعل بتاعها " همّ " لأن اصله "همم" بوزن "فعل" ولما تلاقت الميمان المتحركتان مش عارف حصل ايه... المهم ادغمتا في ميم واحدة مشددة - كلام في الصرف رخم كده -
أما مهم ضبطها مهمّ.. واصلها مهمم وحصل فيها اللي حصل في الاولى... المهم هي على وزن مفعل، يعني اسم فاعل لفعل رباعي تقلب حرف المضارعة ميما مضمومة، والفعل أهمّ
فهام.. من هم
ومهم من أهم
هم بالشيء ان نشط له
وأهمه الشيء أي ... أهمه.. هاتكون ايه يعني
ولا شك أن الموضوع أهمكم، لا هم بكم... فالفعل الحاصل رباعي اسم فاعله مهم وليس هام
ده قرار المجمع بالقاهرة، وإن كان "هام" تنفع لانه الموضوع قد يهم بصاحبه على سبيل المجاز الاسنادي "العقلي" بس قواعد الابتدائي متعرفش كده
أما الثانية فقد كنت سأقبل قولكم إذا اسندتوه لجواز تذكير الناسخ مع معموله المؤنث إذا فصل بينهما بفاصل كالجار والمجرور.. وهو جائز على خلاف الاصل يعني بردو قواعد الابتدائي متعرفوش
لكن الاستشهاد بتاعكم مش في مكانه خااااااااالص
لانه مؤول بجمع المؤمنات، يعني بالعربي.. محمول على الجنس لا الافراد
ياريت والله تذهب قواعد الابتدائي حيثما تحب اهو هانتكلم على راحتنا.. بس ادينا بنناكف لحد ما ييجي الفرج
