علـــم العروض ..

[nader]

نرجع بقى للخمس كلمات اللى معانا ونقسهم حسب القراءة ..


القلم .

تقرأ عادى :

أ لْ ق ل مْ

تمام ؟؟

يبقى التقسيم بتاعها

أ ل ق ل م
/O / / O



- الحبّ يقتلْ.


تقرأ :

أ لْ حُ بْ بُ يَ قْ تُ لْ

يبقى التقسيم بتاعها

أ لْ ح بْ ب ..ي قْ ت لْ
/O / O /.. / O / O

تمام ؟؟




- هذا .

بننطقها :
هـ ا ذ ا

يبقى تقسيمها :

هـ ا ذ ا
/ O / O

تمام ؟؟


- يا رحلاً .

ننطقها :

ي ا ر ا ح ل ن

يبقى تقسيمها

ي ا ر ا ح ل ن

/ O / / O / O


- رمالهُ

تبقى زى ما اتفقنا

رمالهو

//O//O


تماااااااام كده ؟؟



يا رب يكون حد فاهم حاجة 


وواجب النهاردة علشان اشوف فهمتوا ولا لا ..


عاوزكم تقسموا الكلمات دى :


1- محبُّ مصْر .

2- عاشق الأقصى .

3- حنين الوطن ِ.

4- وجاءه قومهُ .

5 - لكنّ مصر وإن أغْضت على مقةٍ .

6- ولم أصعدْ إلى نسبٍ عريقٍ .

يارب تكونوا استفدتم


بإنتظار الواجب ..

أخوكم أحمد أمين 

[أحمد]

5 - لكنّ مصر وإن أغْضت على مقةٍ .



تكتب أولا هكذا:

لاكنن    مصر  و إن  أغضت  على  مقتن           ، عينٌ من الخلد بالكافور تسقينا 

/0/0/    /0/   //0   /0/0   //0    ///0


صح كده ؟

[ماما فرح]

1- محبُّ مصْر .
//0/   /0/

2- عاشق الأقصى .
/0//   0/0/0

3- حنين الوطن ِ.
//0/  0///

4- وجاءه قومهُ .
//0//0   /0//0

5 - لكنّ مصر وإن أغْضت على مقةٍ .

/0/0/  /0/  //0  /0/0  //0  ///0

6- ولم أصعدْ إلى نسبٍ عريقٍ .

//0  /0/0  //0  ///0  //0/0

[ألوان الطبيعة]

بسم الله الرحمن الرحيم

السلام عليكم ورحمة الله وبركاته

وفعلا الشاعر تميم البرغوثى رائع جدا

ومرشح بقوة إلى لقب أمير الشعراء

طبعا يهمه أكتر المليون 

ربنا يوفقه

صوتوا له طيب ... ( بعمل له دعاية معلش ) .

بالنسبة لزيادة ساكن بعد الهاء في (أظنه) فهذه ليست حسب كلام نادر هنا وإنما من كتاب في علم العروض كنت أحاول القراءة فيه قبل دروس نادر

كل كلمة توضحونها نستفيد منها حقا ... بارك الله فيكم جميعا .

قبل أن أطبق التدريب العملي . أريد أن استفسر عن أمور :

1- هل نزيد الساكن بعد (هاء الصلة فقط ) التي تكون متحركة للضمير الغائب ؟؟ أي كما نتعامل

 معها بأحكام التجويد ؟ أم كل هاء متحركة ؟؟؟؟؟؟

كلمة :
صاحب المكتب ..

تكتب :
صاد وألف وحاء وباء ..
و : ألف ولام وميم وكاف وتاء وباء ..

لكن تقرأ :
حرف الصاد والألف والحاء والباء .. واللام والميم والكاف التاء والباء
صاحب لمكتب ..

2- هل يعني مما سبق أن حرف الألف في كلمة المكتب لن تكتب في الكتابة العروضية ؟؟

لأنها همزة متصلة بما قبلها ؟؟

ملاحظة : اعتقد أن حرف التاء سقط منك سهوا في الطباعة .. أرجو تعديله ... خاصة أننا مبتدئين 

وأي غلطة ممكن تشوش علينا .

كذلك الأمر هنا :

- يا رحلاً .

ننطقها :

ي ا ر ا ح ل ن

يبقى تقسيمها

ي ا ر ا ح ل ن

/ O / / O / O

سقطت الألف سهوا في راحلا ... نرجو التعديل حتى لا يؤثر على تركيزنا .

[ماما فرح]

2- هل يعني مما سبق أن حرف الألف في كلمة المكتب لن تكتب في الكتابة العروضية ؟؟

لأنها همزة متصلة بما قبلها ؟؟

:
 

الألف في كلمة المكتب هي همزة وصل زائدة تثبت في الابتداء للتوصل لنطق الساكن (لام التعريف هنا)
أما في حالة وصل ما بعدها بما قبلها فإننا نتمكن بالنطق بالساكن اعتمادا على ما قبله فتسقط الألف ولا تنطق
وهي في التجويد كذلك
ونعم لا تكتب في التقطيع إذا كان ما قبلها موصولا بما بعدها لأنها لا تنطق في هذه الحالة
أما لو جاءت في الابتداء فتكتب لأنها تنطق

هذا ما أعرفه إلى أن يصل أستاذنا

[ألوان الطبيعة]

بسم الله الرحمن الرحيم

السلام عليكم ورحمة الله وبركاته

التدريب العملي :

1- محبُّ مصْر .

محبب مصر
//0/     /0/


2- عاشق الأقصى .
/0//     0/0/0

3- حنين الوطن ِ.
////    .///

4- وجاءه قومهُ .
//0//0   /0//0


5 - لكنّ مصر وإن أغْضت على مقةٍ .

لاكنن مصر .................. مقتن
/0/0/   /0/  //0  /0/0  //0 ///0


6- ولم أصعدْ إلى نسبٍ عريقٍ .
//0  /0/0  //0 ///0  ////0

[ماما هادية]

بارك الله فيك يا أخ أحمد
لم أفهم بكل أسف لماذا كتبنا رماله، بزيادة واو، ولم نعتبر الهاء حرفا متحركا وكفى.. لماذا كتبناها متحرك وساكن؟
هل هذا لأنها في نهاية البيت أو الشطر مثلا؟

[nader]

عودة قريبة إن شاء الله

بعد الأكل 

وآسف للتأخير

أحمد 

[nader]

بسم الله

السلام عليكم ورحمة الله وبركاته

آسف على التأخير غير المتعمد ..

أولا نرد على الإشكالات ثم نصحح الواجب :

الأخت ألوان الطبيعة :

  هل نزيد الساكن بعد (هاء الصلة فقط ) التي تكون متحركة للضمير الغائب ؟؟ أي كما نتعامل

 معها بأحكام التجويد ؟ أم كل هاء متحركة ؟؟؟؟؟؟

ندمج السؤال ده مع سؤال ماما هادية

بارك الله فيك يا أخ أحمد
لم أفهم بكل أسف لماذا كتبنا رماله، بزيادة واو، ولم نعتبر الهاء حرفا متحركا وكفى.. لماذا كتبناها متحرك وساكن؟
هل هذا لأنها في نهاية البيت أو الشطر مثلا؟ 

وبارك الله فى حضرتك

بصوا حضراتكم

قلنا إن القاعدة إن إحنا نقسم حسب النطق

ببساطة كده

إحنا أضفنا الواو بعد الهاء لأننا بننطقها فى كلمة رماله

مش مصدقين ؟؟

نعمل تجربة بسيطة

أعتقد كلنا بنعرف نقرأ القرآن

صح ؟؟

الآيه تقول :

( وله ما فى السماوات والأرض )

الضمير العائد على علم الأعلام ( الله ) فى : ( له )

بنقرأه ازاى ؟؟

تيجو نقسمها عروضيا ؟؟

هنلاقى إنه  :

ولهو ما فسْسَماوات ..

الشاهد إن إحنا فعلا بننطقها واو

مش بنقول :

(ولهُ ما فى السماوات ) بغير إشباع

وكذلك فى الكلمات :

رماله , أظنه , أرضه ... إلى آخره

فاحنا أى استشكال يكون معانا مش عارفين نعمل فيه ايه

نرجع للقاعدة الأصلية

هو إن إحنا بنقسم حسب النطق فقط

مش الكتابة

.....


بس فيه ملاحظة

ضمير الغائب المتصل بحروف الجر

زى :

منه , فيه , إليه , عليه

إلى آخره

حركة ضمير الغائب فى هذه الحالة تشبع عند حاجة الشاعر لذلك !!

من غير عصبية 

نوضح

الحالة الأولى ( الإشباع ):

 مثلا الشاعر  يقول  :

مشينا إليهِ بالسيوف نعاتبه

فإن الشاعر سيشبع الضمير فى ( إليه)

فنقرأها :

إليهى

أى نشبعها تماما

وتقسم هكذا

:

إليهى

//*/*


لأن البحر الذى يكتب عليه الشاعر يضطره لهذا الإشباع


ومثلها فى بيت حافظ :

يقولون فى الإسلام ظلما بأنّه *** يصدّ ذويهِ عن طريق التقدّمِ

وغالبا ما تراعى الدواوين هذا فيضع الشاعر حركه الضمير فوقه ليوضح للقارئ طريقة القراءة


 الحالة الثانية ( غير الإشباع ):

الشاعر يقول :

إليه تصير غاية كل حرٍّ


نأتى للضمير فى (إليه)

فإننا نقرأها

إليه تصير

ولم نقرأها : إليهى

فنقسمها هكذا:

إليه

//*/

تمام؟؟

طيب يلا نقسم الشطرين اللى جبناهم أمثلة

ونشوف فعلا صح ولا لا


1- مشينا إليهِ بالسيوف نحاربه

مشينا إليهى بسْسِـيُوفِ نحاربهْ

//*/* //*/* /*  //*/   //*//*


2- إليه تصير غاية كل حرٍّ

إليه تصير غاية كلْـلِ حرْرِنْ

//*///*  //*///* //*/*


وضحت كده دلوقتى ؟؟


وممكن حد يسأل طب إحنا نعرف إزاى لما نيجى نقسم ؟؟

والسؤال ده طبيعى الواحد فى بداية التعليم هيسأله لنفسه

لأنه مش عارف إنه مثلا بعد فترة

مش هيحتاج يجيب قلم وورقة ويقسم

فى وقت ما يسمع البيت هيعرف من بحر ايه

لأن المسألة تعوّد

زى كده بيتعلم تجويد

فيفضل يعد الحركات على صوابعه فى المد

بعد كده هايصلى بالناس ومفيش مد بيعمله غلط

طبعا ايده مش معاه خالص

فلما نعرف الشاعر كاتب على بحر ايه هنعرف هو هيمد ولا لا

تمام كده ؟؟

اللى مش فاهم يا جماعة نقول ونحاول نوضحها أكتر


ـــــــــــــــــــــــــــــــــــــــــــــــــــــــــــــــ

- هل يعني مما سبق أن حرف الألف في كلمة المكتب لن تكتب في الكتابة العروضية ؟؟

لأنها همزة متصلة بما قبلها ؟؟

زى ما ماما فرح جاوبت بالظبط ..

ونعم لا تكتب في التقطيع إذا كان ما قبلها موصولا بما بعدها لأنها لا تنطق في هذه الحالة
أما لو جاءت في الابتداء فتكتب لأنها تنطق

يارب يكون المعنى وصل ..

صوتوا له طيب ... ( بعمل له دعاية معلش ) .
 

 

أهه فاز واحد لا يستحقها أبدا

كل ما فى الأمر

إنه إماراتى

يلا الحمد لله

عقبالنا كده   


وشكرا على التعديل

وفعلا سقطت منى الحروف دى 

جزاكم الله خيرا للتنبيه ..






 


بكره إن شاء الله

لو أراد الله

هاكمل

وما كان من صواب وتوفيق فمن الله وما كان من خطأ أو نسيان فمنى ومن الشيطان ..

جزاكم الله خيرا للمتابعة

دعواتكم

أحمد أمين 

[ماما هادية]

حفظك الله ورعاك وزادك من فضله

[ماما فرح]

حفظك الله ورعاك وزادك من فضله

[أحمد]

معليش يا جماعة nader مطحون في الكلية
زي الفلفل الأسود تمام

على ما يفضى ..

سلسلة ماتعة في علم العروض للشيخ عصام البشير


http://www.islamway.com/?iw_s=Scholar&iw_a=series&series_id=3209&scholar_id=1224

وليس المذكور هو صاحب القصيدة المنقولة بالمنتدى، فصاحب الحلقات شاب مغربي، والآخر شيخ سوداني

[ماما فرح]

بارك الله فيكما
وفي انتظار عودة نادر

[ماما هادية]

شكرا لك يا أحمد

وبانتظار عودة نادر


أنا حلفت ألا أتعلم العروض إلا منه

حتى لو اضطررت لحرمان الدنيا بأسرها من أشعاري ومواهبي..

[أحمد]

بارك الله فيكما
وفي انتظار عودة نادر

شكرا لك يا أحمد

وبانتظار عودة نادر


أنا حلفت ألا أتعلم العروض إلا منه

حتى لو اضطررت لحرمان الدنيا بأسرها من أشعاري ومواهبي..

 

naaaaaaaaaaaaaaaaaaaaaaaader

جماهيرك عاملة اضراب

واللغة والأدب والشعر ومصالح الناس كلها واقفة

تعالى بسرعة بقى

 

 

ماما هادية.. كفارة اليمين مش كتير يعني
 

[بسمة أمل]

فى انتظار أستاذى القديم

 أرجو أن تتابع ..

 فكم أتعطش للمواصلة منذ حيين 

[سيفتاب]

 

 

مرحبا بك يا بسمة أمل في أيامنا، أرجو أن يطيب لك المقام بيننا

فى انتظار أستاذى القديم

 أرجو أن تتابع ..

 فكم أتعطش للمواصلة منذ حيين 

اممممممممم، أستاذك القديم 

 

[nader]

بسم الله

السلام عليكم ورحمة الله وبركاته ..

,,

* أحمد .. جزاكَ الله حبيبى أحمد على الرابط ..

* ماما هادية .. أكرمك الله .. وأعتذر عن الفترة السابقة - والقادمة أيضا - عن التوقف عى الشرح ..
أعلم أن هذا تقصير منى , ولكنها الدنيا بكل ما بها .. أخرجنا الله منها سالمين غانمين آمنين ..

* ماما فرح .. ربنا يبارك فيكى يارب .. وأعتذر مرة آخرى

* بسمة أمل .. مهما كانت الطريقة التى عرفتى بها هذا المكان ..
أسعدنى وجودك هنا كثيرا جدا , فأرجو أن تزيدينا من مواضيعك القيمة - بصدق - فى هذا المكان المتواضع ..
نورتى بجد 

* سيفتاب .. بسمة أمل من الأعضاء المتحرمين - وهم قلائل - فى المنتدى الذى كتبت فيه هذا الموضوع من قبل ..


نلتقى قريبا على خير إن شاء الله ..

أخوكم/ أحمد أمين

[/font][/size]

[ماما فرح]

أهلاً نادر 
وداعاً نادر  

في انتظارك على كل حال

وأهلاً ببسمة أمل وفي انتظار مشاركاتها

[أحمد]

أحمد .. باين العروض أثّر عليه جامد 

حبيب.. "فيكِ" لخطاب المؤنث تكتب في الإملاء بلا ياء في آخرها

"طنط" سيفتاب .. nader ده بروفيسور كبير وتلاميذه في كل حتة