مشاغب مشاغب .. مش هزار ....

[كابتن ميدو]

ياه  بحب الكلمة دي اوي كلمة المشاغبة الجميلة اللي هية في صورة مغامرات بس اكيد بتوقع في مشاكل ...

انا باعترف اني كنت مشاغب جدا في المدرسة والبيت بس في المنتدي ( ده انا غلبان ) ....

يعني اتعملت الشغب من صغري حبيت اعرف واتعلم كل حاجة كنت فضولي جدا اتعملت الصح والغلط الحمد لله قدرت ابعد عن الغلط واقرب  من الصح ...

في الفصل والمدرسة كانت حكايات وحكايات من مدرس ومدير ومدرسة كانت مشاغبات منها كان هيوديني في داهية ومنها اللي كان عادي ....

رغم اني كنت مشاغب الا اني كنت افرض شخصيتي باحترامي علي الجميع رغم صغر سني الا ان الجميع كان يري اني اكبر منه بكثير ....

مثلا :-



كنت في يوم في معمل الكيمياء في الثانوي وكنت دائما اتمني ان اصنع شيئا ماذا لو اضع شيء علي شيء فيتكون شيء ساكون في نظر نفسي

فعلت شيئا  الا ان المدرس لا يفعل شيئا ناخذ الحصة في المعمل ونغادر ..

قررت يوما ان اشاغب وان اصنع شيئا  ولكن من ماذا اصنع اخاف ان افعل شييئا ينفجر وتنفجر المدرسة وطبعا كان اصدقائي يتمنون ذلك حتي ننام اليوم

بكاملة وكفايانا طوابير في الصباح ..

تراجعت الا اني رايت الصابون السائل الذي ينظف به الاشياء داخل المعمل ورايت  بنزين قلت ماذا لو وضعتهم فوق بعض اسيصنعون شيئا الا اني قلت

ومتي سافعل ذلك امام المدرس اذا ساكون خارج التشكيلة المدرسية ...

انتظرت حتي ادار المدرس راسة  وفعلتها وقلبتها كثيرا الا ان انتظر ان يحصل شيئا طبعا لن يحصل وانا اعرف الا اني احب المغامرة لعله يحدث ..

سبحان الله اول مرة منذ بداية العام الدراسي يسال الاستاذ علي الصابون السائل في الحصة فوجد الزجاجة لونها متغير ووجد بجانبها البنزين زجاجته

فارغة اذا هناك شيء حدث ماهو لا يعرف ..

الفصل كله يقف  هكذا صرخ المدرس وكانه ابلغوه بانه لن يقبض مرتبه الشهري .. ووقفنا ومن فعل هذا وظل يسال والكل ينكر حتي انا ..

اعرف اني اكذب ولكن اروح في داهية وساعدني علي ذلك اصدقائي اللذين لم يقولوا اني من فعلته وسكتوا طبعا لاننا كلنا مشاغبون ولكن هذة المرة

فعلتها انا فهم يحافظوا علي كما حافظت عليهم في مرات سابقة كثيرة ...

لم اتصور تطور الموضوع نزلنا للاخصائي ثم المدير ثم اضربنا ثم الاخصائي وسيتم قرار رفدنا والكل لا يدري كيف كبرت الامور هكذا مجرد لعبه ...

اخذتهم علي جنب ( علي اساس اني رئيس عصابة ) وقلتلهم واحد فيكم يقول محمد  لانه لايجوز ان اقول انا الفاعل لاني انكرت ...

قالوا لا نموت ونعيش سوا قلت لهم لا ( من ورا قلبي طبعا )  المهم قالوا اني الفاعل ..

كنت احسب الحساب عسيرا الا اني قد اغرمت واشتريت صابون سائل وبنزين وقد غرمني هذا من النقود ليس بقليل ولا كثير ...

وجلست افكر كيف فعلت هذا كيف فعلته لماذا لم اتراجع وارفض هذة الفكرة اتعرفون ماهي الفكرة ... طبعا دع النقود وشراء  ما افسدته ..هههههه.



حقا ان الشغب  شيء جميل ...

هناك قصص اخري كثيرة ولكن يكفي هذا اليوم فهي مذكرات كثيرة ...

[امينة]

 

انا كمان احب المشاغبة كتير بس مش راح احكيلكم مغامراتي عشان انا بخجل 

كابتن كمل و احنا وراك 

[الطفشان]

اهلين وسهلين..!
كيف حال الجميع
حكايه حلوة ياكبتن..!!
وان شاء الله راح اكتب انا كمان موقف طريف حصل لي
تحياتي

[ahmed]

 
انا بقى بصراحه

عمري ما كنت بحب الشغب خالص ، مثال للطاعه والالتزام في المواعيد

وبصراحه احيانا كنت بحس بالزعل اني مش زي زمايلي ، شقي ومشاغب و "مقطع السمكة وديلها" زي ما بيقولو ، بس لما الواحد كبر عرفت اني كنت صح (الصح الزيادة شوية بيكون وحش)

متابعون يا كابتن لمشاغباتك 

يمكن اخواتنا يتعلمو ان المشاغبه مش كويسة ، ودايما بتكون نتايجها مش لطيفة ابداً

[كابتن ميدو]

عادي الشغب شيئ جميل وكنت باعتبرة الملح بتاع الدراسة اللي بيه بيعمل للدراسة طعم ,....

صحيح مش الشغب اللي يوصل لمشاكل بس صحيح كان فيه اوقات بتبقي ورطة مش مشكلة .....

المشاغبات كتير هاكتلاكم بعضها....


بس كدا الورق كله هيتكشف وهيبقي علي المكشوف ...

[أحمد]

قوى عليك عباده يا كابتن .. ليه كده بس   

متابعين

[كابتن ميدو]

ياه علي درس العربي وجمالة كنت باحب اروح الدرس ده اوي كان احلي درس ..

الابلة لما كانت تحب واحد وتقربه منها ياسلام نال كل الرضا ...


طبعا كنت ممن نالوا الرضا ...


بس طبعا طول الشغب والضحك واللعب في المدرسة  كنت باجي انام شوية وطبعا كنت اوقات كتيرة باروحلها متاخر طبعا كانت بتسمعني كلام بس

بقة كنت باضحك عليها بكلمتين حلوين ..


كان يوم  بنت  معانا اختها اتجوزت وجاب كحك وجابت كيس والابلة قالتلنا انا وواحد صاحبي خليه معاكم للاخر .

طبعا عدينا الناس الموجوده اد ايه وسيبنا لهم كل واحد كحكة واحدة وانا وهوه قعدنا ناكل الباقي يعني خلصني عليه ...

وبعدين بتقولك هاتلي تشبية وده درس من دروس العربي ...

قلتلها الحب حلو ودي اغنية لحمادة هلال  حيث شبة الحب بالكحك الذي طعمة حلو ...

طبعا قالتلي ياسلام وطبعا كان جزائي انا وصاحبي  بعد ما حافظنا لهم علي الكحك وجاوبت علي السؤال ان الابلة تروحنا  من الحصة وتطردنا ...

طب ليه احنا غلطانين يعني ...

[امينة]

غلطان ايه يا كابتن  انا لو مكان الابلة اقولكم بيتكم حلو  عشان تقعدو فيه 

بس كمل احنا متابعين يوميات الكابتن المشاغب 

[كابتن ميدو]

تلعب كورة .... ماشي ....


تكسر الزجاج بتاع المعهد ....  لا طبعا ينفعشي بس ده اللي حصل وهاحكيه لكم المرة القادمه ..

[كابتن ميدو]

ازيكم بجد وحشتوني اوي  والله  ووحشتني المشاغبات  ...

بس مفيش حد كتب يعني هو كل اللي في المنتدي طيبين اوي كدا يعني مفيش حد مشاغب ...

علي العموم مستني اقرا بعض المشاغبات  ..

[ألوان الطبيعة]

السلام عليكم

أنا كنت مثالية جدا عند المدرسين ، وكان يضرب فيّ المثل في الهدوء و الالتزم .

لكن لو شافوني في أوقات الفراغ في الفصل بالتأكيد كانوا سيغيرون نظرتهم .

لا أذكر أن عندي مشاغبات كثيرة لكن من أهم المشاغبات غير المقصودة التي كانت عندي

تأخري دائما عن موعد الطابور  وكنت أعمل عمايل من أجل أن أدخل بأقل

 الخسائر الممكنة . 

[كابتن ميدو]

تأخري دائما عن موعد الطابور  وكنت أعمل عمايل من أجل أن أدخل بأقل

 الخسائر الممكنة . 

الوان  اهلا بيكي  واخيرا حد بدا يفضفض ...


لو فيها رخامه يعني من غير رخامه طبعا   تحكيلنا  عن اللي العمايل اللي كنت بتعمليها عشان تخرجي باقل الخسائر


مستنيين  ردك  ...[/b][/color]

[ألوان الطبيعة]

السلام عليكم

عندما أكون متأخرة عن الطابور بموعد قليل كنت أدخل بكل ثقة مرفوعة الرأس سريعة الخطوات

وكأن ليس هناك شيء ، ففي هذه الحالة الثقة تعمل حالة عند المدرسين بأنهم يختصروا ويمشوا

الموضوع .

في حالة كان تأخري بموعد محترم كنت انتظر خارج بوابة المدرسة دون أن اجعل اي مدرس يلحظني

 بانتظار أن يمشي الطابور فأدخل وأجز بنفسي بين الطالبات . ويعدي اليوم على خير  .

في حال شعوري أن العمل السابق قد لا ينفع بهذا اليوم ، كنت انتظر حتى اضمن دخول الجميع إلى الفصول

وخاصة المدرسين الذين لا يعرفونني ثم أدخل وساحة المدرسة فاضية تماما .

اذكر مرة أنني اضطررت أن أترك الحقيبة بجانب الحائط حتى تعتقد المديرة أنني خارجة من الفصل ابحث

عن طبشورة مثلا .. وما أن يستتب الأمر أعود للحقيبة . 

ثم ادخل للمدرسين (الذين يعرفونني) وصفحتي بيضاء عندهم لأنني كنت متفوقة ومش وجه تهزيء يعني .

طبعا لازم يعاتبونني دائما ولكن من غير تهزيء .

[ماما فرح]

 




 

[ماما هادية]

والله فكرت في المشاركة في الموضوع
بس قلت مش حلوة عشان هيبتي في المنتدى 

لكن بشكل عام كانت اغلب مشاغباتي موجهة ضد الزميلات بهدف إحباط مشاغباتهن ضد المعلمات
لأننا تربينا في البيت على شدة احترام المعلم وتوقيره
لذا كنا ننظر باستغراب كبير لمخططات الشغب من الزميلات...

ولا أنسى يوما كنا فيه في زيارة لإحدى القريبات، فجلست بناتها يتندرن بمشاغبتهن ضد الأساتذة والاستاذات، ويقلدنهم ويستهزئن بهم، فألقت أمي عليهن محاضرة في الاخلاق، واستشهدت ببيت شوقي

قم للمعلم وفه التبجيلا .............. كاد المعلم أن يكون رسولا... 

مما جعل الفتيات المنتفخات كالبالون.... فجأة ينكمشن ويتقلصن كأنما القيت عليهن دلوا من الماء المثلج...

لكن سلوكنا هذا أثار علينا حنق المشاغبات من الزميلات، وجعلنا غرضا لمقالبهن 

بس على مين 

[امينة]

                        
اهلا يا كابتن و الوان ايه الغيبة دي كلها   

اهلا بالامهات الفضليات 

بالنسبة لحكاية الطابور دا انا الحمد لله مواعيدي مضبوطة 

افتكر مرة نزلنا الاستراحة و بعد الاستراحة كان عندنا درس في الادب العربي و طبعا و الي يدخل القسم وراء الاستاذة مصيره الطرد 

افتكر كانت نهاية السنة الدراسية و كنت انا التلميدة المدللة عند استاذة الادب العربي 

فقلنا نتأخر شوية فيها ايه 

طبعا اجتمعنا و راينا ان  باب القسم مقفول    نعمل ايه    كنا حوالي 15 طالب و طالبة الكل بص عليا و قال الحمد لله امينة معانا    فقترحو عليا انا الي ادخل الاولى و بعدين يلحقوني   

طبعا انا فتحت الباب بكل تقة و قلت     الاستاذة بصت عليا و دهشة على وجهها     و ما قلتش حاجة بس لما رات الجمهور جاي ورايا جالها انهيار عصبي و قالت ( الكل بره ) 

خرجنا بره نلاقي مين     حضرت المراقب العام  الكل على المكتب و هزاء و شتم 

و قام باستدعاء الاولياء  بس مين الي راح يحضر اباه و نحن في اخر السنة الدراسية 

دي كانت في التانوية يا جماعة 

[كابتن ميدو]

ههههههههههههههه  باين الاعضاء كلهم هيطلعوا مشاغبين ..

ياريت ياجماعه الباقي كله يقول سركم في بير محدش يخاف ..

محدش شايف حاجة .. فين مشاغبات ماما هادية...

ماما فرح ... خالتوا سيفتاب ... جواد .... حائر ...

الجميع اين انتم ..

[نور الهدى]

                                                               بسم الله الرحمن الرحيم والصلاة والسلام على أشرف الأنبياء والمرسلين
                                                                سيدنا محمد عليه أفضل الصلاة وأتم التسلييييييييييييييييييييييييييم

أنا طبعا مش هقول اني كنت مثالية اوي ولا قمة من التفوق والامتياز يعني كنت باخد الامتياز بس مش 100% بس انا كنت بأيام المتوسط والثانوية رغم اني  مازلت بالثانوية  بس بحب تقليد المعلمات والطالبات الللي ليهم حركات مختلفة عن الباقي وحتى تقليد المسلسلات ليوم من الايام كنت انا وصديقاتي بحصة فراغ وكنت قاعدة بقلد مشهد من مسلسل وده المشهد كان بضحك ولما كنت بقلد  وانا بدور لقيت الابلة قدامي  قمت انا صعقت بس  انتابني شعور ضحك فظيع ومن كتر مضحكت عيوني دمعت  وهيا قاعدة بتقول كلام (تهزيق )بس مسمعتهوش من كتر الضحك

وكمان كنت من الناس اللي مبحب احضر الطوابير عشان كانت المعلمات بتشوف البنات المخالفات (أضافير طويلة شوية مش كتير  بلوزة مخالفة   الخ )
ويقومو يعاقبوهم   فأحيانا كنت بضطر اجي عالطوابير بس كنت منتجمع انا وصيقاتي عشان نهرب وللاسف مفيش مكان نهرب ليه غير مكان واحد
 وهو   وهو   وهو   وهو  وهــــــــــــــــــــــــــــــو  الله يكرمكم (الباث روم  )  وطبعا بكون من أصعب المواقف اللي كنا منتعرضلها  واكيد مستحيل ننساها

يعني هوا بصراحة في حجات كتييييييييييير بتحصل بس طبعا  مش هقدر أطول عليكم 


الى اللقاء في لقاء اخر.

[كابتن ميدو]

اهلا بيكي نور الهدي في المشاغبات وشكلك طلعتي مشاغبة بجد ...

بقي كنتي بتروحي الباث روم ..

انا بقي كنت بكرة الطابور عشان موضوع اني اصحي بدري يعني الطابور  كان 8 الا ربع وانا اصحي طبعا 7 ونص كدا.

ازصل علي 8 كدا طبعا يكونوا في الطابور ...كنا نلم نجمع بعض المتاخرين يعني وكانت المدرسة في منطقة زراعية.

وجنبها ارض بتزرع قصب نروح نشتري من صاحب الارض ناكل شوية . وبعدين نروح ندخل..

نسمع كام كلمة ونقول مش هتتكرر وخلاص ..

وعلي فكرة يفضل معانا قصب مخبيينة بطريقتنا بقي وناخدة معانا الفصل وبين الحصص ناكلة ..

وطبعا كنا بندي للرائد بتاع الفصل عشان يظبطنا في الغياب....

هههههههه  فشل ذريع

[نور الهدى]

                           هوا من ناحية اني مشاغبة اه
   
                    بس انت اييييييييييييه ؟ انت اتعديت الخط الاحمر بكتير

         وبعدين بتدي قصب  للرائد دي اسمها رشوووووووة    (هههههه)

  وبعدين انت مدرستك  في منطقة زراعية  بقا اللي مدرستو مش بمنطقة زراعية يعمل ايه ويروح فين بنفسو ؟؟

 افيدونا بأرائكم  .