نعود فنكمل ..
يقول الطبيب : وبعد فترة اتصلت بي هذه الأم لكي تتابع حالتها , وبالفعل ذهبت إليها، وبعد أن أنهيت الفحص وهممت بالذهاب قالت لي:انتظر سيوصلك ابني.
فقلت لها لالالا .قالت ليه بس؟! قلتلها معلش مستعجل شوية. قالتلي دي كلها خمس دقايق بيصلي بس وجاي.
!!!!!!!!!!!!!!!!!!!!!!!!
بصراحة زي ما يكون اتصدمت وقلت لأ لو كان كده استنى واستنيته ولما جه ما اتكلمناش ونزلنا ولما مشينا بالعربية قلتله قولي ايه حكايتك بالظبط.
قاللي والله انا زي ماانت شفتني اخر مرة مكنش داخل دماغي حكاية الصلاة دي وبالطريقة دي بالذات دا غير حاجات تانية كنت باستهزأ بيها وبعد ما
قابلتك بفترة اشتغلت ف شركة سياحة و وكانت الشركة بتطلع رحلات عمرة فحطوني مرشد في الرحلات دي وبالفعل رحت من باب انه شغل وما
شغلنيش اي حاجة تانية و انطلقت الرحلة ولما قربنا من مكة لقيت الناس لبست الاحرام وانا هموت من الضحك على نفسي ايه اللي هما بيعملوه ده
ووصلنا ودخلنا الفندق وبعد شوية كل الناس نزلت وراحت الحرم وبقيت انا لوحدي لحد ما زهقت فقررت انزل واتفرج واشوف الدنيا دي . نزلت وفوجئت
بنفسي وانا جوه الحرم وشوفت الكعبة والناس بتطوف حواليها فاستغربت من الناس وبعد شوية لقيت واحد بيشاور لي فشاورت على نفسي وقلتله انا
قاللي ايوه فرحت له وكانت الكعبة بتتغسل ساعتها ( الكعبة تغسل مرتين في العام مرة في التاسع من ذي الحجة والثانية في أول شعبان !)
لقيته بيقوللي تصلي ركعتين داخل الكعبة !!فقلتله ماشي ودخلت الكعبة واول ما دخلت انفجرت في البكاء وكنت لا ادري من اين جاء هذا البكاء و تبت
الى الله سبحانه وخرجت من الكعبة انسانا جديدا !
انظر كيف أتى به الله ..!
يأتي به من بلده الى هنا ال المكان الذي تهفوا اليه القلوب وتتمنى الروح ألا تغادره الى غيره وليس هذا وحسب وانما يدخله الكعبة المكان المشرف الذي
لم يصل به أحد من الصحابة سوى من كان مع النبي صلى الله عليه وسلم يوم الفتح !
ان مثل هذا قلبه نقي لم يلوثه شئ وهو انما يدندن كلمات لا يدري ماهي قد يكون تأثربه من برنامج او من صديق او من كتاب وهو ليس عنده الثقافة
التي تصد هذهالأفكار عنه فمثله اذا فهم وشعر بحب الله له عاد اليه مسرعا!
