« قبل بعد »
صفحات: [1]   للأسفل

المحرر موضوع: without friendz!!  (زيارة 10867 مرات)

0 الأعضاء و 1 ضيف يشاهدون هذا الموضوع.

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
without friendz!!
« في: 2010-11-19, 12:29:58 »
السلام عليكم


بصو يا جماعة انا والله والعظيم مخنوقة خنقة مش طبيعية :(:(

انا مرةواحده كده اكتشفت اني معنديش اصحاب


مش اصحاب بمعني الاصحاب ...لا انا معنديش اصحاب كويسين...معنديش الصحبة اللي تقولي يلا نروح المسجدولا يلا نصلي ولا يلا نصوم

:(

انا اللي ع طول بقول وان قلت ابقي "شيخةومحبكاها "


اي نعم انا عندي اصحاب "اي كلام" كتتير اوي وبحبهم وبيحبوني جدا ...بس انا متأكده انهما دول الاخلاء...اللي هنيجي يوم القايمة نلعن ف بعض


نبقي حلوين اوي واحنا بنضحك ونهزر ونجري ونلعب ونتنطت ..انما ف الصلاةاو الصوم ...كأننا ملحدين

كأن نظام صحوبيتنا ده معناه بمعادلة رياضيه ....مسموح بكل حاجة تتعمل - اي حاجة تقربنا من ربنا= كده انتي تبقي صحبتنا وحبيبتنا

 طب انا هحكي لكم ع كام موقف وانتو احكموا

 ف رمضان كنت بروح بعد التراويح لدرس ف المسجد ..بتصل بيهمكلهم عشان اشوف مين اللي هتيجي معايا ...

اول واحده: لا الوقت متأخر وبابا مش هيرضي

تاني واحده :بتفرج ع التمثيلية!!!!!!!!

تالت واحدة:تعبانة...وهكذا


ف مرة اتصلت باول واحدة قلت لها تعالي معايا ...كلمتني بنرفزةوقالت لي بقولك ايه بقي ..انا عايزةاخرج ..قلت لهاما احنا هنخرج اهو..قالت لي لا انا عايزةاتمشي احنا هنروح الجامع نعد وبس ..مليش دعوة انا اختي خارجة هي واصحابها اشمعني هما

انا سكتت....

لاني معنديش خلق افضل اعيد وازيد ف كلام بقوله فالاسبوع يجي 52798 مرة

عن فضل جلسات العلم والدين وعن كلحاجة ..وهما ..ف الطراوة

بتصل بواحده كمان فيهم ايام الاعتكاف..ايه رأيك نروح الاعتكاف وكده قالت لي هقول لبابا ...قلت لها ماشي وابقي ردي عليا ..قالت لي ولا اقولك لا اصل احنا هناك هنروح هنبقي قاعدين مش هنتكلم ...قلت لها ده اعتكاف قالت لي لا انا هصلي واصوم فالبيت

قلت لها بس قولي لباباكي قالت لي  هو مر ضاش  ...

قفلت معاها وهي اتصلت بعديها ..قالت لي هو ينفع وانتي ف الاعتكاف اتصل عليكي تنزلي لي قلت لها خير غيرتي راكي ..قالت لي لا يعني تنزلي لي نتمشي شويه وبعدين ارجعي تاني!!!!!

كنا امبارح قاعدين ف العربيه رايحين نتفسح انا وهي واخواتها الاتنين ومامتها ..مامتها ست كويسة اوي..المهم كان مشاري شغال ف العربية..فمرةواحة فكرة جهنمية خطرت ع بالي...قلت لهم ايه رأيكم طالما السكةطويلة نقفل التسجيل ونقرأ احنا قرآن....طبعا صمتتتتتت طوييييييييل...بس صحبتي راحت مشوحة بايديها كده بمعني : يا شيخة اعدي بلا وجع دماغ ...واخواتها غمزوا لعبض كده وضحكوا ...بصراحة مقدرتش امسك نفسي ...اتسندت ع الشباك وعيطت :(:(

ولم كنت اتصل بيهم عشان نروح دروس يوم الجمعة...اللي عندها درسواللي تعبانه واللي عايزة تنام واللي واللي ...الي اخره

وربنا يشهد ان كلدهكان بيحصل وانا مش بألف حاجةوالله ..وفيه مواقف كتييييير جدا جدا مش قادرة افتكرها كلها دلوقتي


 تخيلو مليش اصحاب كويسين ابدا .... مفيش خالص...محدش يقولي ف المساجد هتلاقي انا روحت ودورت كتييييير كلهم اصحاب ف بعض معندهمش استعداد لفرد جديد ...وبنات بردو اغلبهم عاديين...وفيه بنات مش بستظرفهم


ومبحبش اصاحب حد اكبر مني او اصغر مني...

قلنا نبطل نسمع اغاني ...بطلي لوحدك.. وبردو شيخة


يلا نقوم نصلي ... يا سلام يا الللي الايمان مقطعك

ده انا طولت الطرحة شويه ...مكبراكي اوي شكلك عندك 80 سنة ...ولواني شايفاها عاديةوكويسة

بلبس جيبات وبلوزات ...عيشي سنك


وحاجات كتير اوي


بجد اتقرفت ...متضايقةفعلا ومش هبالغ لو قلت اني بسببهم عيطت يجي اكتر ما ضحكت


ابقي تمام اوي واحنا بنهزر ونضحك ونغني ونمثل ..نتكلم ف الدين نظرات من فوق لتحت وهمزات ولمزات ومحدش يقولي سيبيهم او ابعدي ..لان ده شبه مستحيل



انا زي ما قلت من شويه ...معنديش غيرهم  sad:(

سلام
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل ازهرية صغيرة

  • شباب إيجابي
  • ***
  • مشاركة: 995
  • الجنس: أنثى
رد: without friendz!!
« رد #1 في: 2010-11-19, 12:57:48 »
السلام عليكم

هذة مشكلة ليست بعويصة للغاية

اسمحولى يا ممات بالتكلم لعلى افيدها لانى فى نفس عمرها

اولا نحدد المشكلة : اصحابك الى انتى مصحباهم وبتقولى انك ملكيش غيرهم سيئين او فى وجة نظرك هكذا

ثانيا نجمع معلومات حول المشكلة :1_انتى  متعرفيش غيرهم او من الاخر محولتيش تتعرفى على غيرهم

                                           2_انتى محولتيش تحببيهم فى الى بتعملة بأسلوب كويس مش كل الناس بتحب اسلوب التكرار والزن

                                          3_ انتى فى ذاتك متحلتيش بصفات الرسول علية الصلاة الوالسلام الذى هو قدوتنا فى صفة الصبر

طيب حددنا المشكلة جمعنا شوية معلومات طيب نحل المشكلة ازاى خطوة خطوة

اولا انتى ممكن تحببى اصحابك فيكى اصلا عشان لو حبوكى هيسمعو كلامك بقول احد الشعراء إن المحب لمن يحب مطاع

ثانيا تقولى الى موضوع بطريقة كويس  واخيرا تراعى الظروف ياعنى زميلتك الى وراها دروس دى شىء طبيعى مش هتقدر تيجى طيب تعملى معاها اية

توجديلها معاد تانى بعد او قبل الدروس لو مفيش يبئا تحولى تقنعيها تظبت مواعيد الدروس  وزميلتك التى لا توافق ان تأتى معكى بحجج غير مريحة

تسبيكى منها بش مش كتير وتدعيلها اوى اوى  ربنا يهديها

اما على الاعتكاف ف مش كل الاهالى بيوافقو مثل اسرتى لا توافق واكيد ليديها ظروف اخرى

واخيرا لو باردوة مش حبة تعملى كل دة حولى تصحبى بنات تنيين كويسين من الاول  وتدعى ربنا ان يهدى التنيين

« آخر تحرير: 2010-11-22, 22:02:14 بواسطة ازهرية صغيرة »
سجل
اللهم كم عاهدناك بألا نعود.. فما كان منا إلا نقض العهود
وهانحن نعاهدك على ألا نعود، فإن عدنا فعد علينا بالمغفرة يا ودود

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #2 في: 2010-11-19, 22:45:14 »
...........1_انتى  متعرفيش غيرهم او من الاخر محولتيش تتعرفى على غيرهم

انا قلت اني حاولت بس هما مش متقبلين وجود فردجديد معاهم يعني مش صحوبية..زمالة...وتحسيهم مرتبطين ببعض يعني مليش مكان وسطيهم.

........  2_انتى محولتيش تحببيهم فى الى بتعملة بأسلوب كويس مش كل الناس بتحب اسلوب التكرار والزن

          3_ انتى فى ذاتك متحلتيش بصفات الرسول علية الصلاة الوالسلام الذى هو قدوتنا فى صفة الصبر

انا قلت بردو اني فضلت كلمتهم عن فضل  مرواح المسجد واصلاة والصوم والقيام..الي اخره...بس هما ف الطراوة بردوومقلتش اني بزن...انا قلت اني كل ما باجي اروح بقلهم عشان محدش يقولي انتي مقلتيلناش.


وتعقيبا ع باقي اللي انتي قلتيه ...بقولك يا سمية انا كنت شويه شويه هبوس ايديهم عشان يجومعايا ..وانا مش بتكلم عن موضوع الاعتكاف بس ...لاني عارفة انه مش ف اديهم اوي

بس غريبه انك بتقولي فيه اهالي مبترضاش وملفتش نظرك ردها كان ايه...

وبصراحة ردك استفزني :emoti_25: :emoti_6:
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #3 في: 2010-11-19, 22:46:38 »
فينكم يا كبار...انا مش كاتباه عشان واحده ف سني ترد عليا...كنت قلتهولها ف التليفون اوفر,,,

وغير كده ما هي واحده منهم ...ومتزعليش مني يعني بس الحق ميزعلش

:(:(:(:(:(

:'(
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل ماما هادية

  • أحلى.شباب
  • *****
  • مشاركة: 15899
  • الجنس: أنثى
  • احفظ الله يحفظك
رد: without friendz!!
« رد #4 في: 2010-11-20, 11:56:46 »
أنا أهو
مين بينادي

 ::)smile:



والله يا سلمى أنا قرأت مشكلتك من الامس وكنت أفكر فيها

وضعك صعب جدا، وأنا أقدره ، فقد مررت في المرحلة الثانوية بنفس مشكلتك

كنت قد بدأت بحضور دروس الدين، فشعرت أنني بحاجة لمن يشجعني على هذا الطريق، لكن صديقاتي في المدرسة كن بعيدات
حاولت معهن كثيرا أن يحضرن معي لكنهن رفضن بإصرار
وصرت أيضا كلما تكلمت بكلمة أوصف بأنني متشددة او ستي الشيخة والكلام ده  sad:(

كانت فترة صعبة فعلا... لكن مرت الحمد لله
ثم رزقني الله تعالى في الجامعة بصديقات رائعات عوضنني عن فترة الثانوية القاحلة

طبعا أنت الان في بداية الثانوية، وتشعرين ان ثلاث سنوات هي فترة طويلة جدا .. لا يمكن أن تستمري فيها بهذه الطريقة..
فماذا تفعلين ؟

بالنسبة لصديقاتك ..
- لا تثيري مللهن بدعوتك المستمرة لهن لمشاركتك في أنشطتك الدينية... فكونكن صديقات لا يقتضي أن تكن متماثلات في كل شيء، ولا بد ان تبقى لكل منكن اهتماماتها الخاصة
لكن بالمقابل، لا تشاركيهن أنت في أنشطتهن او هواياتهن التي لا تناسب توجهك...

- اتفقن على قانون تحترم فيه كل واحدة منكن خصوصيات الاخرى وتوجهاتها، وتتوقف من السخرية والتهكم عليها
تصارحن بأن هذه الكلمات تجرح، وهذه التصرفات تزعج.. وتعاهدن على اجتنابها والتوقف عنها

- حاولي أن تتقربي من إخوتك وتجدي بينهم تعويضا عن الصديقات... ففي النهاية الإخوة أبقى وأحن من الأصدقاء مهما كان 

- حاولي أن تجدي لنفسك مكانا بين صديقات المسجد او الدروس .. واصبري على ذلك... صحيح ان البنات في سنك لا يقبلن بسهولة العضو الجديد، ولا يسمحن له بسهولة الدخول بينهن، لكن ان احسن هذا العضو التصرف، وتحلى بلباقة وكياسة وطيبة ... بدا لهن نافعا بشكل ما.. خدوما او ناصحا او خفيف الظل... فإنهن سيقبلنه في وقت قصير

الأمر يحتاج لصبر واستعانة بالله

- صلي كل يوم ركعتين وادعي الله تعالى أن يرزقك بالصحبة الصالحة التي تعينك على درب الله وتشفع لك يوم القيامة

وتذكري دوما ان ما تمرين به هو مرحلة اختبار
يختبرك الله تعالى ليرى هل تصبرين على هذا الجفاف العاطفي وتبقين متمسكة بمادئك وثابتة على السير في طريق الالتزام؟
أم تضعفين وتختارين الصديقات والمتعة بصحبتهن وتتخلين عن التزامك ومبادئك لأجلهن

وتذكري أن الأمر مؤقت ولن يدوم... فاختاري الأفضل ولا تتهاوني

وفقك الله تعالى وثبتك على الخير ورزقك بالصحبة الصالحة النافعة
سجل
*رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنْتَ الوَهَّابُ*

غير متصل سيفتاب

  • أحلى.شباب
  • *****
  • مشاركة: 7766
  • الجنس: أنثى
  • إِن يَنصُرْكُمُ اللّهُ فَلاَ غَالِبَ لَكُمْ
رد: without friendz!!
« رد #5 في: 2010-11-20, 14:16:29 »

شوفي يا مسك، بعد كلام ماما هادية والذي أوافق عليه، لن أزيد سوى أنه بعد خبرة سنين عديدة وبعد هذا العمر اكتشفت أنه مع الصبر والاستعانة بالله، الصحبة الصالحة هي رزق وتوفيق من الله سبحانه وتعالى وتأتي في الآوان المناسب جدا، المهم ألا نيأس ونظن بالله خيرا .
سجل
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ
وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #6 في: 2010-11-20, 16:47:12 »
مش دي المشكلة يا ماماهادية المشكلة اني بضعف جدا ...يعني ف فترة الصيف دي...كنت بسمع اغاني ونخرج ونضيع وقت ولو اني كنت قبليها كويسة اوي بس انتكاسة كده جات لي بسبب الملل او الرغبة اني ابقي زيهم :(:(:(
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل ازهرية صغيرة

  • شباب إيجابي
  • ***
  • مشاركة: 995
  • الجنس: أنثى
رد: without friendz!!
« رد #7 في: 2010-11-20, 20:36:56 »
مقتبس من: مسك النفوس في 2010-11-19, 22:46:38
فينكم يا كبار...انا مش كاتباه عشان واحده ف سني ترد عليا...كنت قلتهولها ف التليفون اوفر,,,

وغير كده ما هي واحده منهم ...ومتزعليش مني يعني بس الحق ميزعلش

:(:(:(:(:(

:'(


السلام عليكم

ليس من الضرورى ان تجدى رد سريع من الكبار وتهملى رد الصغار لع فية عبرة

وكيف انا منهم اشرحى لى وان كان موضوع خاص فاكالعادة نحن على الهاتف بعد الرحلة الدراسية على السابعة

اختى الكريمة كتر التكرار يولد الملل والزهق وانا فى حد زاتى ازهق ان يكرر لى شخص شىء اكثر من مرة

الملل والتكرار يسبب العناد فا انا كنت اقول تأتى لهم بطريقة جديدة وبأسلوب جديد متطور



 فكيف لفتيات بمثل هذا يتشجعون من اول مرة للذهاب الى المسجد

فانتى اختى الكريمة لم تختارى من الساسا فتيات صالحات يستجبن لدعوة الله سريعا

وفى الاول والاخر حبيبتى ادعى الله ان يهديهن وحاولى الابتعاد عنهن وهذة نصيحتى انصتى لها اولم تنصتى فالله شاهد على وعليكى
« آخر تحرير: 2010-11-22, 22:03:14 بواسطة ازهرية صغيرة »
سجل
اللهم كم عاهدناك بألا نعود.. فما كان منا إلا نقض العهود
وهانحن نعاهدك على ألا نعود، فإن عدنا فعد علينا بالمغفرة يا ودود

غير متصل ازهرية صغيرة

  • شباب إيجابي
  • ***
  • مشاركة: 995
  • الجنس: أنثى
رد: without friendz!!
« رد #8 في: 2010-11-20, 20:38:03 »
اه نسيت

كمان ان انتى بتضعفى لانك عندك قابلية انك تبقى زيهم محولتيش تبقى انتى الوردة

البيضاء وسط كوم الشوك فى الصحراء

وكما قبلت لكى من قبل القرءان والصلاة واظبى عليهن
سجل
اللهم كم عاهدناك بألا نعود.. فما كان منا إلا نقض العهود
وهانحن نعاهدك على ألا نعود، فإن عدنا فعد علينا بالمغفرة يا ودود

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #9 في: 2010-11-20, 21:51:38 »
متشكرة يا ازهرية

يعني انتي رأيك ان كلامنا كلاملا يليق بفتيات مسلمات محترمات؟؟؟؟

وحضرتك بقي الزهرة المتفتحة اللي فينا...منزهرة عن كل الحاجات ................اللي احنا بنعملها دي

طبعا ما حضرتك القدوة العليا والمثل اللي يجب ان احنا نحتذي بيه ف حياتنا

سمية..

hggi di]d;d ,dwgp phg;

مش هقول اكتر من كده....
« آخر تحرير: 2010-11-20, 23:31:23 بواسطة ماما هادية »
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل ازهرية صغيرة

  • شباب إيجابي
  • ***
  • مشاركة: 995
  • الجنس: أنثى
رد: without friendz!!
« رد #10 في: 2010-11-22, 22:04:28 »
مقتبس من: مسك النفوس في 2010-11-20, 21:51:38
متشكرة يا ازهرية

يعني انتي رأيك ان كلامنا كلاملا يليق بفتيات مسلمات محترمات؟؟؟؟

وحضرتك بقي الزهرة المتفتحة اللي فينا...منزهرة عن كل الحاجات ................اللي احنا بنعملها دي

طبعا ما حضرتك القدوة العليا والمثل اللي يجب ان احنا نحتذي بيه ف حياتنا

سمية..

hggi di]d;d ,dwgp phg;

مش هقول اكتر من كده....

كفاية فضايح اكتر من كدة عيزة تقولى حاجة قوليها بالصوت وانتى فاهمة
سجل
اللهم كم عاهدناك بألا نعود.. فما كان منا إلا نقض العهود
وهانحن نعاهدك على ألا نعود، فإن عدنا فعد علينا بالمغفرة يا ودود

غير متصل الكتكوت الفصيح

  • شباب نشيط
  • **
  • مشاركة: 431
  • الجنس: أنثى
رد: without friendz!!
« رد #11 في: 2010-11-23, 02:39:30 »
مسك انا حسه بيكى كويس اوى لانى حصل معايا كده فى تانيه اعدادى وجاتللى حالة نفسيه و تخنت 30 كيلو المهم انى كنت صاحبت واحدة وبقت صديقتى اوووووى وحبتها والحمد لله صديقة متدينه ومهذبه هى راحت فصل الفائقات فى تانيه اعدادى ومكنتش بشوفها كتير وحسيت انى ماليش اصحاب وعدت السنه وخلاص جينا فى تالته اعدادى كنا مبنرحش المدرسه وكنا بنتقابل فى درس واحد بس قلت خلاص هاقبلها فى اولى ثانوى جت هى دخلت الفائقات تانى وهى صباحى وانا مسائى روحت البيت اول يوم اتصلت بيها وانا وهى عيطنا مع بعض المهم صليت ودعيت ربنا وقلت "يارب لو ندى هى الصديقة الصالحة ليا اجمعنى بيها تانى ولو مش خير ليا ارزقنى بواحدة صالحة وبصراحة من جوايا كنت بقول يارب هى حلوة وكويسه  " وسبحان الله كام  يوم وجه قرار ان سنه اولى كلها هاتبقى صباحى وبعدين ظبطوا الفصول وبقيت انا وهى فى نفس الدور
يعنى قصدى انك تصبرى وتدعى ربنا انه لو فى خير انك تفضلى معاهم تفضلى ولومش خير ربنا يبعدهم عنك  ويرزقك احسن منهم
ولو بتحبيهم بجد ونفسك يتغيروا فى حديث عن الرسول فيما معناه انه لو حد عايز يغير حاجة بايده لو معرفش يبقى بلسانه ولو معرفش يبقى بقلبه فانتى ادعيلهم بالهدايه
سجل

غير متصل الكتكوت الفصيح

  • شباب نشيط
  • **
  • مشاركة: 431
  • الجنس: أنثى
رد: without friendz!!
« رد #12 في: 2010-11-23, 02:42:37 »
بس عايزة اسال سؤال هو انتى عندك كام صاحبه ؟؟؟؟؟؟؟؟؟؟
اصل المفروض تبقى صديقة واحدة او اتنين بكتيره  وصديقة هنا يعنى كاتمة اسرارك وانتى كاتمة اسرارها وكده ؟؟؟؟؟؟؟؟؟
سمعت دكتور نفسى بيقول المفروض ان الواحد ميصادقش اكتر من اتنين ويكون واثق فيهم اووى  :emoti_138: :emoti_138:
« آخر تحرير: 2010-11-23, 02:54:39 بواسطة الكتكوت الفصيح »
سجل

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #13 في: 2010-11-23, 05:51:58 »
مقتبس من: الكتكوت الفصيح في 2010-11-23, 02:39:30
مسك انا حسه بيكى كويس اوى لانى حصل معايا كده فى تانيه اعدادى وجاتللى حالة نفسيه و تخنت 30 كيلو المهم انى كنت صاحبت واحدة وبقت صديقتى اوووووى وحبتها والحمد لله صديقة متدينه ومهذبه هى راحت فصل الفائقات فى تانيه اعدادى ومكنتش بشوفها كتير وحسيت انى ماليش اصحاب وعدت السنه وخلاص جينا فى تالته اعدادى كنا مبنرحش المدرسه وكنا بنتقابل فى درس واحد بس قلت خلاص هاقبلها فى اولى ثانوى جت هى دخلت الفائقات تانى وهى صباحى وانا مسائى روحت البيت اول يوم اتصلت بيها وانا وهى عيطنا مع بعض المهم صليت ودعيت ربنا وقلت "يارب لو ندى هى الصديقة الصالحة ليا اجمعنى بيها تانى ولو مش خير ليا ارزقنى بواحدة صالحة وبصراحة من جوايا كنت بقول يارب هى حلوة وكويسه  " وسبحان الله كام  يوم وجه قرار ان سنه اولى كلها هاتبقى صباحى وبعدين ظبطوا الفصول وبقيت انا وهى فى نفس الدور
يعنى قصدى انك تصبرى وتدعى ربنا انه لو فى خير انك تفضلى معاهم تفضلى ولومش خير ربنا يبعدهم عنك  ويرزقك احسن منهم
ولو بتحبيهم بجد ونفسك يتغيروا فى حديث عن الرسول فيما معناه انه لو حد عايز يغير حاجة بايده لو معرفش يبقى بلسانه ولو معرفش يبقى بقلبه فانتى ادعيلهم بالهدايه
مقتبس من: الكتكوت الفصيح في 2010-11-23, 02:42:37
بس عايزة اسال سؤال هو انتى عندك كام صاحبه ؟؟؟؟؟؟؟؟؟؟
اصل المفروض تبقى صديقة واحدة او اتنين بكتيره  وصديقة هنا يعنى كاتمة اسرارك وانتى كاتمة اسرارها وكده ؟؟؟؟؟؟؟؟؟
سمعت دكتور نفسى بيقول المفروض ان الواحد ميصادقش اكتر من اتنين ويكون واثق فيهم اووى  :emoti_138: :emoti_138:


ايوة ما هي دي المشكلة ان احنا كتيييييير ...بمعني اصح ( شلة ) بس مش ف نفس السن ولا نفس المدرسة ...يعني بصي ..

انا وكام بنت ف اولي ثانوي ف عباس حلمي"مدرسة ثانوية "

وشوية بنات تانية " بين 2 اعدادي واولي اعدادي"

احنا كتييير  ...يجي 8 ..بس مفيش مكان واحد بيجمعنا غير قليل اوي

بس اصحابي اوي من ايام المدرسة الاعدادي هما اللي كويسين بس بردو مش بيرضوا يروحوا المسجد معايا وبردو نفس النظام...بس مقدرش اقول عنهم انهم مش كويسين 
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل حلم

  • شباب منتج
  • ****
  • مشاركة: 1079
رد: without friendz!!
« رد #14 في: 2010-11-23, 11:07:35 »
مسك النفوس اسمعي كلام ماما هادية يا حبيبتي
كلامك حساه أوي لأني عارفة وضع البنات في السن ده في مصر

وعلى فكرة أنا أكبر منك بكتير بس بأخد كلام من ده كتير برضه
فالصبر .. الصبر .
سجل
لا إله إلا الله.

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #15 في: 2010-11-23, 13:44:28 »
 :(
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/

غير متصل سلمى أمين

  • أحلى شباب
  • *****
  • مشاركة: 2671
  • الجنس: أنثى
  • و مالنا ألّا نتوكل على الله، وقد هدانا سُبلَنا ..
رد: without friendz!!
« رد #16 في: 2010-12-16, 17:30:31 »
اولا : سمية انتي مسحتي ليه جزء من ردك...؟؟؟..ده كده هرووووووب

ثانيا : يا جماعة المسألة بتتنيل عن الاول كتير

لاني بشر وبضعف
سجل
أتعلمين ما هو الوطن يا صفيّة ؟

- الوطن هو ألّا يكون هذا كلَّه .. [/
صفحات: [1]   للأعلى
« قبل بعد »