المواطن المطحون / بقلم : صديقة جديدة
المواطن المطحون
عبد العليم أفندي
صحي من نومه بدري
قال لمراته قومي يا سنية
هاتي لي كوباية مية
بسم الله الذي لا يضر مع اسمه شيء في الأرض ولا في السماء
شرب المية وقال : ماء ماء
مراته ضربته على ضهره
طلعت حاجة من بقه
بصوا لقوا مسمار
لكن كان قد الحمار
قال لها إيه دة يا سنية ؟
قالت له : دي والله مية
جايباها أنا من الحنفية
طب اعملي لي قرصين طعمية
كل عبده وصلى لربه ونزل علشان يروح على شغله
دخل عبده من باب المصلحة
طلع مكتبه لقى زمايله قاعدين ساكتين
قال لهم مالكم مبلمين
قالوا : مرتباتنا فين
قال لهم وأنا مالي ياحلوين؟
قالوا له أصلك أنت الوحيد الشجاع مننا
واللي ممكن تطلب حقنا
طب أنا رايح للمدير
طاخ طاخ طاخ
يا سعادة المدير عايزينك في أمر خطير
ادخل
كنت عايز أسأل حضرتك النهاردة كام في الشهر؟
النهاردة أول الشهر خير فيه إيه؟
عايزين مرتباتنا يا بيه!
ومالكم كدة مستعجلين؟
أصل احنا يا باشا جعانين وتعبانين ومحتاجين
بأة عاملين فيها شحاتين
طب مخصوم منكم يومين
يللا بأة غور من وشي
مرتباتكم لسة ما جاتشي
أول ما تيجي هاجيبها أوام
ومخصوم منك أربعتيام
ياباشا دول كانوا يومين
وبعدين بأة احنا آسفين
ياللا غوووووووووور
طب يا باشا مشكرين
