أطفال * أطفال

[فتاة مسلمة]

 

لو سمحتم الموضوع موجه للأطفال من سن عشر سنوات إلى ستين سنة 

والله بجد وليس مزاحا كلنا أطفال

كل واحد منا بداخله طفل صغير ولكنا دائما ما نكبحه عن الخروج وإن خرج نعيد حبسه سريعا كي لا تتشوه صورتنا

هنا بقى عايزين الأطفال اللي جوانا تخرج

يعني ماذا يريد أن يفعل الطفل بداخلك الآن ؟ 

ماذا تتمنى أن تفعل كما فعلت في طفولتك ولا تعاقب عليه ؟   

وأيضا إن كان طفلك مبدع أرونا إبداعاته 

يعني من الآخر عايزين نشوف أطفال المنتدى الكبار 

[فتاة مسلمة]

معكم الآن تتحدث طفلة مسلمة 

بصراحة عايزة أركب عجلة 

 

رغم أني مش بعرف أركبها ولا عمري هركبها ولو حتى في المريخ

[سيفتاب]

طيب ألحق أسجل نفسي وأتنقل بين  وبين 


أنا كمان يا فتاة نفسي أركب عجلة تاني بس الطفولة الداخلية لا تمنع عصلجة الركب الحالية 

زماااااااااااااااااااان كنت بلف جاردن سيتي كلها بالعجلة ويقعدوا يدوروا عليا وطبعا لما كنت برجع من الجولة كنت باخد 

 

[elnawawi]

أنا بقى نفسي ألعب بالقطار .. ليس ذلك القطار الصغير الذي يدور على قضبان دائرية .. بل ارغب في قطار بقضبان كثيرة جدا ومتشعب ومتفرع وعليه عدة قطارات وخطوط .. إلخ .. زي بتاع توم وجيري يعني .. 

يااااه .. نفسي من زمان فعلا ...

بالنسبة للعجل .. هأعمل ركن في المنتدى أؤجر فيه عجل للي عايز .. واللفة بعشرة جنيه وخمسين جنيه ضريبة مبيعات 

[أحمد]

نفسي أتمرجح

[فتاة مسلمة]

أيوة كدا المنتدى مش عايز شباب

عايز أطفال بعمر الزهور

يلعبوا

 

ويتنططوا

 

ويكسروا كمان لو أمكن 

 

ماااااااااما سيفتاب تعالي نأجر عجلة سوا وأتعلم ركوبها - أو ممكن عجلة بسنادات - وأخدك لفة    بس نشوف حد تاني بيأجر عجل غير الأخ النووي أحسن دي أسعاره غالية أوي 


على فكرة أخي النووي هناك لعبة أكثر من رائعة وليست للأطفال فقط وهي " اللوجو " زي الميكانو بس بلاستيك قطع صغيرة ومعها مواتير صغير أيضا وبطاريات ذات الشحن

وأنت من خلال الكتالوج لها تكون مدينة بأكملها من قطارات ومحطاتها لها أكثر من طابق  وحدائق والقطار يتحرك بالمتور ويقف في المحطة ثم يعيد المسير ولك أن يتحرك في الاتجاهين ذهابا وإيابا

[زينب الباحثة]

اتفضلوا دراجة ..

وبلاش من غير تأجير 



يالا لفوا المنتدى براحتكم 

أما أنا نفسيييي ألعب في الألعاب/الملاهي إلي يحطوها في المطاعم .. 

[فتاة مسلمة]

شكرا جزيلا يا زينب

ماما سيفتاب حضرتك لفة وأنا لفة اتفقنا ؟! 

وبصراحة ذكرتيني بالملاهي يا زينب 

نفسي أروحها من زمان بس ... 

نفسي أروح دريم بارك

[elnawawi]

بقى كده !!!!!!! 
يعني بتحاربوني في سوق الاحتكار بتاعي في تأجير العجل وتضعوا عجل بالمجان في منطقتي  .. وكمان بدون أن تدفعوا الأتاوة !!!!!! 

طيب طيب ...
أنا هاضرب السوق بقا بمدينة ملاهي كاملة من أخطر وأغرب وأجمل مدن الملاهي  ..... وراكم والزمن طويل .. مش بعيد اطلع قانون حماية المحتكرين كمان قريب .. 

[جواد]

خلي بالك من الموضوع ده كويس يا نووي ، هتستفاد منه كتير لو ناوي على الإنقلاب فعلا .. 

الطريف أنه لا يمنعني شئ الآن من ممارسة لعبة أحبها حتى ولو كانت طفولية، اللهم الا عامل الوقت لا أكثر،

وده لأن طفولتي بكل أسف كانت مختلفة شويه،

ركوب الدراجات جميل ورياضه مفيده، وبتبقى جميله لو كانت على كورنيش مرسى مطروح مثلا، لكن للشباب بس، الفتيات تشوفلها مكان مافيهوش اختلاط   

باقي أنشطتي الطفولية كان غالبها مواتير ولوحات كهربائية وبعض من كرة القدم ..

كانت أيااااااااااام 

[فتاة مسلمة]

ركوب الدراجات جميل ورياضه مفيده، وبتبقى جميله لو كانت على كورنيش مرسى مطروح مثلا، لكن للشباب بس، الفتيات تشوفلها مكان مافيهوش اختلاط  

  

 

 

[جواد]

طيب، ايه أكتر لعبة بتعجبكم في الملاهي ؟   

[فتاة مسلمة]

طيب، ايه أكتر لعبة بتعجبكم في الملاهي ؟   

الألعاب الخطرة - رغم أنه محصلش نصيب ولعبتهم - 

قطار الموت والصاروخ وديسكفري

ولو في الألعاب الهادئة يبقى العربيات المتصادمة 

[elnawawi]

السيارات المتصادمة بدون منازع .. لأنها يدخل فيها عامل المهارة ورد الفعل عكس معظم ألعاب الملاهي التي تدخل فيها وتتحرك هي من تلقاء نفسها ولا ناقة لي ولا جمل في تحريكها

[أمينة]

السيارات المتصادمة بدون منازع .. لأنها يدخل فيها عامل المهارة ورد الفعل عكس معظم ألعاب الملاهي التي تدخل فيها وتتحرك هي من تلقاء نفسها ولا ناقة لي ولا جمل في تحريكها

لا احب هذه اللعبة مطلقا 

بل احب الالعاب الخطيرة الي ترمينا في السماء  وتلف بينا لغاية ما ندوخ 

ومش جاي على بالي اي لعبة الان لاني بصراحة لسه الي عايزة العبه العبه 

اصلا يوم الجمعة الماضي رحنا مدينة الملاهي 

[فتاة مسلمة]

 

أتمنى لو أذهب للحديقة

 

[سلمى أمين]

الله الله !!!!.............جيتوا لملعبي يا شطار...مفيش حد طول بعرض كده وبعقل اطفال زيي

المهم

انا بقي ركبت عجل وركبت باتيناج وركبت القطر الدوار والنجمة بس محصلش نصيب اني اركب الديسكفري او الصاروخ

لعبت صلح و استغماية والملك وكهربا وكل العاب الجري

سيجة صعيدي وسيجة ع الشطرنج وشطرنج وطاولة ودومينو ..وبلي مسافات طويلة:D

روحت حدائق ومتنزهات كتير

روحت البحركتيييييييييييييييير

بس انا وكل ده نفسي العب ف الشارع زي الصبيان ونفسي ااجر عجل وحاجات كتير اوي ...بسمينفعش اعملها










عشان بنت وكبرت ع اللعب ف الشارع
ع فكرة انا كنت بلعب ف الشارع :D

[فتاة مسلمة]

أنا ولو أول مرة بالعيد ألعب شطرنج وأتفوق فيه لأكسب من أمامي

لعب أربعة أدوار وتفوقت بهم جميعا

وقبل أن ألعب كنت أقول لهم إني لا أعرف أن ألعبه

ولكنهم بعد ذلك ظنوا أني أقول ذلك منعا للحسد 

بالفعل لم أكن أكره لعبة مثل الشطرنج وكنت أفشل واحدة فيه

ولكن مع لعبي به في العيد اسمتمعت كثيرا وودت أن ألعبه كثيرا مع أشخاص مختلفي المستويات كي يتحسن مستواي

[elnawawi]

تعالوا ننظم دورة للشطرنج في المنتدى .. هناك مواقع عديدة يمكن التسجيل فيها واللعب أونلاين ..

ما رأيكم ؟!

[سلمى أمين]

معااااااااك