اقتراح صغير

[ريحان المسك]

 

كيف حال الجميع ؟؟؟

منذ مدة احببت ان اقترح عليكم شيئا

و لكن كلما هممت بكتابة ما اردت ترددت و تراجعت

خوفا من الرفض 

لكن هذه المرة قلت لا بأس , اقول ما عندي و لهم القرار بالإيجاب او النفي

إقتراحي هو

إعطاء الأعضاء خيار حذف مداخلة ما

بدل النقطة دي >>> . 

بإنتظار الرد 

 

[ريحان المسك]

الأستاذ اسلام دخل على الموضوع و لم يعلق 

يبدو ان الموضوع فيه نوع من الإزعاج

اذا كان الاقتراح ازعجكم انا اسحبه كليا

[Eslam]

السلام عليكم ورحمة الله وبركاته

الأخت الكريمة.

حذف المداخلات قد يسبب اختلاطا فى الفهم كما انه قد يسبب مشاكل فى تضارب الكلام.

لكن سنبحث الامر فى الإدارة ان شاء الله.

جزاكم الله خيرا كثيرا.

[ريحان المسك]

شكــــــرا جزيلا

بإنتظار نتائج البحث

[سلمى أمين]

انا معااااااااااااااااكي تماما

احنا مش عايزين نحط خاصية تحذف المشاركات لأ احنا عايزين خاصية تفجر المشاركات

عيب كده ..عيب كده والله


اللي بيحصل ده كتير

الناس دي بتجيب الكلام ده منين ؟؟


 

[ماما هادية]

تفجير المشاركات يا سلمى؟


انتي تبع اي تنظيم بالضبط؟؟ 

[سلمى أمين]

الحزب الغاااااااااااااااااضب

[ماما هادية]

يا أخ نووي ياريت تشوف لنا حكاية الحزب ده ايه
وايه تصنيفه؟
ارهابي؟
محظور؟
معارض؟

عشان نعرف نتعامل معاه كما يجب

[elnawawi]

ده يا ريس حزب "كده وكده" .. من الأحزاب لزوم تحسين صورتنا أمام المجتمع الدولي والمنتديات التانية وعلشان نمثل إن عندنا ديموقراطية .. حزب يمثل إنه غاضب وزعلان وهو في الحقيقة مبسوط وبيحب المنتدى وإدارته جدا جدا .. يعني معارضة بس مش بجد .. زي ما فيه في مصر حاجة وعشرين حزب كده ..

كله تمام يا ريس والأمن مستتب ..

[ماما هادية]

طب الحمد لله

لو كده يبقى ممكن نمنحهم كرسي في البرلمان

ونتيح لهم المشاركة في الانتخابات النزيهة المقبلة

[وليد قطب]

طيب المفروض المراسلات دى تبقى داخليه يا ماما هادية ويا نووى
عشان منحرجش الحزب امام شعب المنتدى
يعنى 50 سنة واكتر بنتفرج على تمثيلية الديمقراطية ولسة مش عارفين نفهمها  
يا رب بقى نعيش لحد منشوف الحلقة الأخيرة

[سلمى أمين]

الواضح انتو بتتكلموا عني ..

والواضح اني مش فاهمة حاجة ..

سلام...

[elnawawi]

طيب المفروض المراسلات دى تبقى داخليه يا ماما هادية ويا نووى
عشان منحرجش الحزب امام شعب المنتدى
يعنى 50 سنة واكتر بنتفرج على تمثيلية الديمقراطية ولسة مش عارفين نفهمها 
يا رب بقى نعيش لحد منشوف الحلقة الأخيرة

معلش يا أخ مهند .. التمثيلية تقترب من فصولها الأخيرة والنظام بطل تمثيل وبدأ يظهر على حقيقته عاريا تماما ..
وبعدين تصحيح .. من 52 لـ 2010 مش 50 سنة .. أكتر شوية ..

زعيمة الحزب الغاضب .. بلاش دلع .. مش فاهمة إيه ؟! مش أنتم كل دورة مجلس شعب بتأخذوا 4-6 مقاعد مرة واحدة ؟! عايزين إيه تاني ؟ وبعدين إحنا عايزين نتفرغ الآن لانتخابات الرئاسة وبعدها الحرب التي سنتعاون فيها مع حلفائنا للقضاء على القطاع الصغير اللي جنبنا اللي مليان إرهابيين علشان الحصار اللي عليهم مش كفاية وبيقوي موقفهم كل يوم .. إحنا لازم نخلص عليهم كلهم وبالمرة نعمل تمثيلية جديدة إن المحظورة بتتعاون معاهم ضد أمن البلد ونعدمهم كلهم ونخلص بقى ..

[سلمى أمين]

ايوة بالظبط كده...

ايوة لازم نعدمهم ..دول كلاااااااااااب..ازاي يعملوا كده..

ناس معندهاش بلود...

وللعلم بلود كلمة اجنبية تعني blood

:D:D:D:D:D

[elnawawi]

مش قلت لكم حزب كده وكده اللي تبعنا ؟!
شطورة يا بنت خالتي يا رئيسة الحزب يا عاقلة يا رزينة .. الحزن الوطني في مصلحتِك والمستقبل ليكِ .. كل شباب مصر هيشتغلوا بكرة تشوفي بعينيك ..

[سلمى أمين]

يا عاقلة يا رزينة ....والله حسة انها شتيمة ..وربنا عالم اللي ف ضميرك :D

الحزب الوطني ...ده زي الفل

[elnawawi]

مينفعش تقولي زي الفل .. لازم تنتقدينا شوية علشان التمثيلية تتحبك يعني على الخواجات اللي مش فاهمين حاجة .. يعني قولي إنكم تسعون لتداول السلطة ورفع مستوى دخل الفقراء والنهضة بالتعليم وما إلى ذلك .. وانتقدول كل رجال الحكومة والوزراء وحتى رئيس الوزراء .. ولكن امتدحوا في الريس ماما هادية وتحدثوا عن حكمته وثقتكم بقراراته وبقيادته للسفينة .. إلخ ..

[سلمى أمين]

الحزب الوطني...تراراراراا .....لاجلك انت...انت يالاه منك له.."مش ليكم والله يا جماعة دي تكملة للتمثيلية )


بصوا بقي عشان نبقي واضحين

ان الحزب ليسعي الي توطيد العلاقات بين الدول الاجنبية ورفع مستوى دخل افراد الطبقة المتوسطة ...و توفير خدمات افضل رقيا لافراد طبقة الاثرياء..املا في دفعهم علي البذل في سبيل تنمية موارد الدولة المادية

واحنا بقي بالصلاة ع النبي ملناش دعوة بالطبقة اللي تحت خط الفقر ...اه دي طبقة مش تبعنا اسااسا ...ربنا يتولاهم ..احنا هنعمل ايه يعني ولا ايه...

بنينالهم جمعيات خيرية وزودنالهم في المعاشات ..ومش عاجبهم ...

دخلنالهم الماية والكهربا والنور ...ومش عاجبهم..

بناكلهم اكل اخر نضافة وماية اخر صفاء..صفاء مش هدي,..وال ايه الماية مش نضيفة ..طب والله انا لسه شارب مايه امبارح ..وكانت ولا الحاجة الساقعة ..

بيقولوا النور بيقطع...كدابين ولاد الـ##%%,,,انا امبارح كنت في الشاليه بتاعي والنور مقطعش لحظة

عنف الضباط ضدهم..يا جماعة اللي بيكدب بيروح النار..انا ابني امبارح اتقفش هو واصحابه كدب بتهمة انهم كانو بيتعاطوا ال ايه بانجوووو ..ابني بيقولي لما خرج بعدها ب عشر دقايق لما عرفوا اني ابوه ..انهم كانو شايلينه من ع الارض شيل ..فين الضرب ده..

بيعملوا مظاهرات ..احنا بنأيد تعبير الشعب عن رأيه ..وبالعكس بنتفرج عليهم من البلكونة ..وبيبقي شكلهم تحفة تحفة تحفة .ده حتي ناني بنتي بتجيب الفريندز بتوعها يتفرجوا معاها ..مشفناش حد اتقتل زي ما بيقولوا ولا حد اتضرب ..هما الامن العسكري بيعرفوا يضربوا دبانة ..دول قلبهم قلب كربناية...انتم جبارين ف حكمكم ع الناس ..بتشوفها بنظرة سلبية موت موت موت...







كفاية بقي عشان ورايا مذاكرة

[ماما هادية]

البنت دي عاجباني يا نووي
بتفهمها وهي طايرة

احنا لازم نديلها حوافز ونشجع الحزب بتاعها

اقترح عليهم يؤسسوا صحيفة حرة معارضة

والارباح النص بالنص

[elnawawi]

نعم تمت الموافقة على تأسيس جريدة مستقلة تحت اسم "المستقبل" ناطقة بلسان الحزب الغاضب .. وهذا اكبر دليل على مدى الديموجراطية وحرية التعبير التي نعطيها للناس ..

وبالتأكيد لن نشاركهم في الأرباح يا ماما هادية .. دي هتبقى مفضوحة جدا ..