إيه...هيه كيميا؟!

[سلمى أمين]

بسم الله ماشاء الله ...ربنا يبارك لك يا رب..

بس بقول ايه ...خلاص ملهاش لازمة لان انا كده كده امتحاناتي بتاعة نص السنة بكرة ...وانا اصلا كده ولا كده هسقط وبجدارة فمبدهاش بقي..


:D

بس خلينا نبدأ من الترم الجاي ان شاء الله عشان عندنا كيميااااااااااااا :D

واهو يكون فيه امل ولو واحد ف الماية اني ممكن انجح فيها ...:D

[علومجى]

هو ده التفاؤل وهى روح الامل اللى انا بحبها

انا ما رضيت اقلك... شرح ايه دلوقتى و الامتحانات اصلا شغاله، كى لا احبطك

[سلمى أمين]

ههههههه..ايوة طبعا انا متلاقيش مني اتنين ف تفاؤلي !!!


بس ع فكرة انا كتتب الرد بتاع طلب الشرح ده من فترة طويييلة ....كان لسه فيه ساعتها امل اني اذاكر ...وفعلا ذاكرتها بس مش عارفة بقي...اكيد في حاجات وقفت معايا ...ربنا يستر بجد ...!! لانني مش باخد دروووووووووووووس

[إيمان يحيى]

ومن هنا اسألكم سؤالين .
س- خاتم ماس 2 جرام يعمل كام بالمصرى؟
س- فى كلمة واحد فقط لاغير قلى... ما الفرق بين الجرافيت والماس؟

س - بالمناسبه ما الفرق بين الامتصاص والادمصاص؟
 

سبحان الله

بدأت أغير رأيي في الكيمياء 

س 1 : حضرتك الماس يقدر بالقيراط وليس بالجرام  ولا أعرف شيء عن ثمنه ولا أمر أصلا من شارع به محل مجوهرات 

س 2 : الترابط

س 3 :   

[ماما هادية]

س1- خاتم ماس 2 غرام يعمل كام بالمصري؟
يعمل عمارة على النيل مثلا؟

س2- ما الفرق بين الجرافيت والماس؟
زي الفرق بين فتح وحماس



س3 - بالمناسبه ما الفرق بين الامتصاص والادمصاص؟

لا أعرف

 

[أحمـد]

س- خاتم ماس 2 جرام يعمل كام بالمصرى؟
س- فى كلمة واحد فقط لاغير قلى... ما الفرق بين الجرافيت والماس؟

س - بالمناسبه ما الفرق بين الامتصاص والادمصاص؟

ج- الجرام خمسة قراريط، والقيراط تقريبا بخمسين ألف جنيه فالجرامان عشرة قراريط يكون سعرهم خمسة أمامها خمسة أصفار بس 

ج- الترتيب الجزيئي للبلورة ياباشا يعني الـ allotropes

ج- غشتها  :
الامتصاص (أبسوربيشن) كنت فاكره معروف .. بس لما رحت أغش  .. لقيتهم بيقولوا ان المصطلح العلمي للامتصاص يقال عن امتصاص الجسم لفوتونات الأشعة .. وجوجل قال انه ممكن يطلق على اي امتصاص معروف زي امتصاص السفنج للماء

أما الادمصاص (أدسوربيشن) .. ممكن نسميه (على قد مافهمت ) : ترسب جزيئات الغاز على سطح الجسم مكونة طبقة رقيقة

بس كلمة ادمصاص لم أجدها في أي مرجع لغوي، لقيت: (دمص)، بمعنى انزلق في سرعة .. تقريبا هم سموا الادسوربيشن ادمصاص عشان فيها حرف D في مقابل ابسوربيشن اللي بمعنى الامتصاص
وبعض المراجع لقيتها بتقول: امتزاز .. وملقتلهاش أصل في اللغة العربية بردو!

قلي.. باعرف أغش؟ 

[ماما هادية]

500000 جنيه بس؟
دي يادوبك شقة على كده

[سيفتاب]

ماlلاقيش عندكم حتى جرام واحد كده

[علومجى]

سبحان الله

بدأت أغير رأيي في الكيمياء  

سبحان الله فعلا...بس اشمعنى المشاركة دى اللى جعلتك تغيرى رايك ليه مش من قبل كده؟

س 2 : الترابط

ما المقصود بالترابط ؟

على فكرة الكلمة المطلوبة انا اصلا كاتبها فى المشاركة مش من بره.

[علومجى]

س3 - بالمناسبه ما الفرق بين الامتصاص والادمصاص؟

لا أعرف
 

اعلى درجة

 

[علومجى]

ج- الترتيب الجزيئي للبلورة ياباشا يعني الـ allotropes

ج- غشتها  :

جزاك الله خيرا ...ولكن قارن بين اجابتك والمعنى الذى كتبه العبد لله.

الامتصاص (أبسوربيشن) كنت فاكره معروف .. بس لما رحت أغش  .. لقيتهم بيقولوا ان المصطلح العلمي للامتصاص يقال عن امتصاص الجسم لفوتونات الأشعة .. وجوجل قال انه ممكن يطلق على اي امتصاص معروف زي امتصاص السفنج للماء

أما الادمصاص (أدسوربيشن) .. ممكن نسميه (على قد مافهمت ) : ترسب جزيئات الغاز على سطح الجسم مكونة طبقة رقيقة

بس كلمة ادمصاص لم أجدها في أي مرجع لغوي، لقيت: (دمص)، بمعنى انزلق في سرعة .. تقريبا هم سموا الادسوربيشن ادمصاص عشان فيها حرف D في مقابل ابسوربيشن اللي بمعنى الامتصاص
وبعض المراجع لقيتها بتقول: امتزاز .. وملقتلهاش أصل في اللغة العربية بردو!

قلي.. باعرف أغش؟ 

بمنتهى البساطة
الامتصاص  يكون للداخل ، اما الادمصاص يكون ع السطح.
دائما اشرحها بهذا المثال
بلل صبعك بالماء واغمسه فى السكر ، ثم ضعه فى فمك،
قبل ما تضعه فى فمك كان ادمصاصا وبعد انا وضعته فى فمك يصبح امتصاصا

شاطر ياحمد ماشاء الله عليك ، بس معرفت تغش السؤال التالت بتاع فتح وحماس ده؟

[the knight]

لمثال الثانى هو
 الماس



وهو موجود فى الصخور النارية ،ولونه شفاف ، وله تركيب بلورى يتكون من الكربون فى شكل تكعيبى منظم ومرتب بدرجة عاليه من الاحتراف لذلك فهو صلب جدا جدا......جدا

معذرة
ولكن على فكرة  الماس صلد جدا وليس صلب جدا
فالصلادة هي القدرة على خدش الاسطح الاخري
اما الصلابة فهي مقاومة الكسر
وهذا يعني ان الماس اكثر صلادة من الصلب لانه يستطيع قطعه
اما الصلب فهو اكثر صلابة من الماس لانه يستطيع كسرة
( تقدر تفشفش الماس بشاكوش حديد بس متقدرش تقطع الماس بسكينة حديد والعكس صحيح )
يا رب اكون عرفت اوصل المعلومة
وشكرا

[علومجى]

جزاك الله خيرا... وصلت

طيب بالمرة اعرفلنا اصل كلمة ادمصاص عشان الشيخ احمد تعب عشان يلاقيها ومعرفش .

ممكن تعرفنى بنفسك وبتخصصك؟
ده مجرد طلب على فكرة.

[the knight]

عايز التعريف الحقيقي ولا الحركي

[إيمان يحيى]

سبحان الله

بدأت أغير رأيي في الكيمياء 

سبحان الله فعلا...بس اشمعنى المشاركة دى اللى جعلتك تغيرى رايك ليه مش من قبل كده؟

س 2 : الترابط

ما المقصود بالترابط ؟

على فكرة الكلمة المطلوبة انا اصلا كاتبها فى المشاركة مش من بره.

أصل قبل كدة كان الكلام عن الصابون فاتزحلقت من الموضوع 

الترابط أقصد به تماسك وترتيب وتنظيم الذرات

ذكرني شرحك بقصة الأب وحزمة العصي

[علومجى]

أصل قبل كدة كان الكلام عن الصابون فاتزحلقت من الموضوع 

خير  ...

طيب لو بعد كده لو فى اى اقتراح او تعليق على نوع المواضيع المختارة او طريقة عرضها مفيش مشاكل

الترابط أقصد به تماسك وترتيب وتنظيم الذرات

     

برافوووو

  ::: -
لكنها تعنى المركبات المختلفة لنفس العنصر الناتجة عن اختلاف ترتيب الذرات.

اذن الفرق فى ترتيب الذرات التى جعلت هناك فرق فى الترابط.

ذكرني شرحك بقصة الأب وحزمة العصي

لما الاب اعطى ابنه الكبير اللى بيلعب جيم حزمةعصا راح كسرها كلها و...ايوة ايوة عارفها

[إيمان يحيى]

بالعكس أنا أمزح فقط
موضوع الصابون كان جميل جدا

أنا فقط أحيانا لا أستطيع متابعة كل ما أريد متابعته من الموضوعات 

وبالنسبة لقصة العصا أيوة بالضبط هي دي

بس البودي جاردز هما اللي كسروها بدل الباشا الصغير