إيه...هيه كيميا؟!

[علومجى]

السلام عليكم ورحمة الله وبركاته،

"إيه ...هيه كيميا؟!"

هذا السؤال نردده تلقائياًعندما لا يفهم أحد ما نقول

لأننا نعتبر الكيمياء هى الشىء الصعب المجهول الغريب عنّا،

وكنت ذات يوم مع زميل فسألنى:إنت قسم إيه ؟

وحين أخبرته بأننى فى قسم [الكيمياء و الفيزياء ]نظر إلىّ نظرة شفقة ولسان حاله يقول "شفاك الله وعفاك "،

ويقال لطالب كلية العلوم دائماً "ياعينى يبنى...هيه الكيمياء عملت فيك كده "،

وحتى فى أفلام الكرتون يشاهد الأطفال عالم الكيمياء يرتدى بالطو أبيض إسودّ و إحترق بعد ذلك من أثر  

التفاعلات ,ونظارة كبيرة ,وشعره أشعث أو يكون أصلع،

فلما كل هذا؟!

هل الكيمياء هى النظريات التى جرّبت و تمت بسببها إختراعات عدة ولا يمارسها إلا المتخصصون؟،

وهل الكيمياء تستخدم فقط فى المعامل ولا علاقة لها بحياتنا اليومية ؟،

وهل اصلا من يستخدمها فى المعامل يستخدم كل فروعها مع العلم بأنه يوجد تفرعات لهذه الفروع أيضا

وموضوعات ذات تخصص أكبر داخل هذا الفرع؟

هل فعلا هذه هى الكيمياء؟

الاجابة  



لا

ولكن للاسف هذا هو تعريف الكيمياء عند معظم الناس .

ولا يعرف احد اننا نستخدم هذا العلم يومياً دون أن نشعر ولولا منّ الله علينا به لما عرفنا الحياة بهذا الشكل

الذى نعيشه و قال الدارسون أن بدون هذا العلم

لكنّا نعيش فى الكهوف...

وهذا هو الموضوع الذى سأكتب فيه بإذن الله تعالى،

ففيه سأتكلم عن أعمالنا اليوميا التى تتدخل فيها الكيمياء، وسأجاهد بإذن الله أن أكتب بإسلوب يسير يفهمه

من لم يدرس الكيمياء من قبل وأرجو أن

يعذرنى المتخصصون لأننى لن أتكلم عن الكيمياء بشكل عميق يفيده.


أسأل الله أن ينفعنى وإياكم بما أكتب وأن يرزقنا علماً ينفعنا وننفع به المسلمين إلى يوم القيامة.

[امينة]

 


متابعون ان شاء الله 

على فكرة انا كنت بحب الكيمياء كتير و اكتر من الفزياء كمان 

[ماما فرح]

فكرة الموضوع مميزة وجديدة 

متابعون بارك الله لك

[ماما هادية]

فكرة رائعة
وفقك الله للمضي فيها قدما
ونفعك ونفع بك




مش كنت تقول يا علومجي من الاول انك كيميا؟ كنا فهمنا سر تصرفاتك

[ريحان المسك]

اولا , مبارك على اول موضوع

ثانيا , متابعة جزاك الله خيرا

انا احب الكيمياء كثيرا , و لكن للأسف دخلت القسم الأدبي

[hema]

اول موضوع
ايوة كدة يا بطل
بالمناسبة انا مفهوم الكمياء عندي مرتبط بالطبيخ لان استاذي كان يقولي الكمياء زي الاكل لابد منة
ولذلك جبت بفضل الله 19-20 
ومتابع معاك
 

[♥ أرزة لبنان ♥]

متاابعة

إنا الترم دا عندي كيمياء بيتكلم عن الكيمياء المتعلقة في حياتنا اليومية

مثلا الصابون إزاي نعمله
العطور
الأدوية
الغذاء

بدأنا بالصابون و النظفات و العطور
وحنعملهم في المدرسة
إن شاء الله

المواضيع جميلة وجدا سهلة
 

[/font]

على فكرة أنا أحب الكيمياء جداااااااااا
وياويلوا إلي يتكلم ويقول الكيمياء صعبة

[أحمد]

أخيرا هانفهم كيميا


وسعوا يا جماعة علومجي فتح المعمل


بالراحة كده بقى، وواحدة واحدة عشان أنت عارف يعني


تشرح كل حاجة عملية بسيطة وتقلنا بردو هي جت ازاي


عشان نفهم يعني

مش نعمل كده


في الانتظار

 

[سيفتاب]

 

 

[نور الهدى]

  فكرة جكيلة جدا  وجزاك الله خيرا

 متابعة ان شاء الله

 انا بالنسبة لي أحببت الكيمياء بشكل عام ماعـــــــدا الكيمياء العضوية ..؟؟

[علومجى]

على فكرة انا كنت بحب الكيمياء كتير و اكتر من الفزياء كمان 

وانا كمان.وأهلا بحضرتك.

فكرة الموضوع مميزة وجديدة 

متابعون بارك الله لك

فكرة رائعة
وفقك الله للمضي فيها قدما
ونفعك ونفع بك




مش كنت تقول يا علومجي من الاول انك كيميا؟ كنا فهمنا سر تصرفاتك

آمين..جزاكما الله خيراً

اولا , مبارك على اول موضوع

ثانيا , متابعة جزاك الله خيرا

انا احب الكيمياء كثيرا , و لكن للأسف دخلت القسم الأدبي

الله يبارك فيكى....
وإن شاء الله تكونى مبسوطة فى القسم الأدبى.

اول موضوع
ايوة كدة يا بطل
بالمناسبة انا مفهوم الكمياء عندي مرتبط بالطبيخ لان استاذي كان يقولي الكمياء زي الاكل لابد منة
ولذلك جبت بفضل الله 19-20 
ومتابع معاك
 

إذا كان كده يبقى مش هسمحلك بالدخول إلا بفوطة المعمل الصفرا.

أخيرا هانفهم كيميا


وسعوا يا جماعة علومجي فتح المعمل


بالراحة كده بقى، وواحدة واحدة عشان أنت عارف يعني


تشرح كل حاجة عملية بسيطة وتقلنا بردو هي جت ازاي


عشان نفهم يعني

مش نعمل كده


في الانتظار

 

  فكرة جكيلة جدا  وجزاك الله خيرا

 متابعة ان شاء الله

 انا بالنسبة لي أحببت الكيمياء بشكل عام ماعـــــــدا الكيمياء العضوية ..؟؟

يا جماعة انا مش هشرح منهج ،،انا هحاول أوضح ازاى الكيميا موجوده معانا من غير ما نشعر،
ولو قولت حاجة صعبة من حق كل طالب ...قصدى من حق كل عضو انه يسأل بس يرفع اديه الاول

 

 

أهلا بحضرتك ماما سيفتاب اتأخرت عليا برضه، بس مكانك محجوز

متاابعة

إنا الترم دا عندي كيمياء بيتكلم عن الكيمياء المتعلقة في حياتنا اليومية

مثلا الصابون إزاي نعمله
العطور
الأدوية
الغذاء

بدأنا بالصابون و النظفات و العطور
وحنعملهم في المدرسة
إن شاء الله

المواضيع جميلة وجدا سهلة
 

[/font]

على فكرة أنا أحب الكيمياء جداااااااااا
وياويلوا إلي يتكلم ويقول الكيمياء صعبة

يعنى الحمد لله لقيت زميل معايا فى الموضوع،
وعشان خطرك هبدأ أول درس عن الصابون.

[علومجى]

بسم الله الرحمن الرحيم

لماذا نستخدم الصابون فى التنظيف؟




توجد مواد كثيرة تذوب فى الماء مثل الملح، ومواد أخرى لاتذوب فيه،

فمثلاً الماء والزيت لا يختلطا أبداً،

فإذا حاولناتنظيف بقعة زيت من الملابس أو من على الجلد فالماء وحده لايكفى، ولكنّا نحتاج إلى الصابون.

السؤال : لماذا الصابون ؟........وهنا تجاوب الكيمياء وتقول .

جزيء الصابون يتكون من قسمين .

1- جزء قطبي (يحب الماء-hydrophilic) وهو مجموعة الكربوكسيلات

2- جزء غير قطبي( يكره الماء-hydrophobic) وهو سلسلة الكربون .



شكل جزيء الصابون يمكنه من القيام بوظيفته وهي التنظيف (إزالة الأوساخ ).

حيث أن الأوساخ وبشكل عام تكون محاطة بطبقة من الدهن أو الزيت ,

 فان جزيئات الماء وحدها غير قادرة على تشتيت هذه التجمعات الدهنية و ذلك لأن جزيئات الماء غير قادرة على اختراق طبقة الزيت

 وتفريقها إلى جزيئات منفصلة

, أو أن جزيئات الماء غير قادرة على فصل طبقة الدهن عن السطح الملتصق به

. على عكس ذلك فان محلول الصابون قادر على فصل طبقة الدهن إلى جزيئات منفصلة

 وذلك لأن سلسلة الكربون في جزيء الصابون يمكنها إذابة طبقة الدهن ،

بينما مجموعة الكربوكسلات الأيونية تتجه نحو الماء وتتنافر فيما بينها وبالتالي فإنها تتشتت داخل الماء

 ثم تسلك طريقها في مجرى الماء .



جزيئات الصابون تعمل على السطح الفاصل بين الزيت والماء وتؤثر على خصائص هذا السطح

وذلك بتقليل التوتر السطحي للمادتين .

[التوتر السطحي (عشان محدش يسأل) هو قوة تنتج عن التجاذب بين الجزيئات في الحالة السائلة] .

و داخل جسم السائل قوى التجاذب متساوية في جميع الاتجاهات ,

ولكن جزيئات السائل على السطح تشعر بقوة أكبر تجذبها نحو الداخل وكنتيجة لذلك فان سطح السائل يتصرف وكأنه

 مغطى بغشاء رقيق وقطرة من السائل تأخذ شكلا كرويا .

ملاحظة:

-الصابون تفقد فعاليتها بالماء العسر (الماء العسر هو الذي يحتوي على أيونات الكالسيوم, المغنيسيوم و الحديد الذائبة في الماء) .

 هذه الأيونات تتفاعل مع جزيئات الصابون مكونة راسبا ليس له القدرة على التنظيف .

الصابون الصناعية لديها خصائص افضل من الصابون العادية , حيث أن الصابون الصناعية تعمل جيدا في الماء العسر .

الصابون الصناعية هي عبارة عن

سلسلة طويلة من الهيدروكربون في نهايتها مجموعة قطبية مثل:

OSO3- N+ أو SO3- Na.

يعنى إحنا بقينا كيميائين من غير ما نعرف لأننا بنستخدم الصابون كل يوم..مش كده

[ريحان المسك]

اظن اني اخدت شوية حاجات من اللي قولتها حضرتك في أولى ثانوي

معلومات جميلة

و على سيرة المعادلات , انا اليوم جاه على بالي احضر حصة كيمياء مع العلمي , بصراحة المادة ممتعة جدا , كانوا بيحللو ورقة مراجعة و حلليت نصها مع رفيقتي , و بصراحة اتعجبت اكتر من نفسي لي دخلت ادبي , بس يلا , جزاء اللي عاوز يخش صحافة

سامعين بقا يا مامات , اظن ان درس اليوم هيعجبكم أوي

[ماما فرح]

سامعين يا ريحان وعجبنا الدرس

عندي سؤال غريب شوية

الصابون العادي ( الخاص ياليدين والوجه) كان زمان له " رغوة" تصاحبه إلى آخر يوم في عمره

الآن صارت الرغوة تختفي بعد زوال طبقة أو طبقتين من الصابون - ماعدا بعض الأنواع القليلة جداً ومرتفعة الثمن

فهل يرجع هذا إلى الماء العسر ( لو كان كذلك لكان الحال عاماً مع كل الأنواع ثم أن ماء النيل ليس عسراً كالمياة الجوفية)

أم يرجع ذلك إلى الغش الصناعي ؟

[♥ أرزة لبنان ♥]

تسلم يا أخ علومجي

أنا تحت أمرك يابيه ... أي خدمة نحن في الخدمة على طول ...


كأني بسمع نفس كلمات المعلمة

يعني لو كنت في الصف ما كنتش ح خليك تتكلم كنت جاوبت على طول 

طبعا إن شاء الله غدا سنحضر الصابوون ... السائل ...  أنا متحمسة اوي بحب أشتغل في المعمل

و ح نحضر منظف الملابس ...

وعطر

أظن يا ماما فرح الغش الصناعي و الله أعلم
خلي الأخ علومجي يجاوبك

[ريحان المسك]

الله الله

رح تعملوا عطر , لازم احضر الحصة حتى لو ما شاركت

يا عيني , طب ساويلي واحد يا لينة و كمان واحد تاني عالماشي لأمك بمناسبة عيد الأم

[علومجى]

شكراً على المتابعة لكل من الاخت ريحان و الاخت أرزة لبنان.

وتحية خاصة لماما فرح لأن باين عليا مِرَكّزة أوى فى الشرح عشان كده بتسأل،

وبالنسبة للسؤال :

معلوماتك صحيحة لان نهر النيل لا يحتوى على تلك الاملاح والمعادن التى تجعله ماء عسر كالمياه الجوفية،

ولحل المشكلة التى تواجهك وبعيداً عن نطاق الكيمياء،

أنصح حضرتك بصابون good morning

رغوة + ريحة + توفير


وبعيدين فين باقى الاعضاء اللى حجزوا ودفعوا إشتراك ....هو الدرس كان صعب ولا بايخ ولا ايه؟
                                                                    :

[ماما هادية]

معاك يا أستاذ

ما معنى صابون عادية وصابون صناعية؟
شرحت لنا الفرق الكيميائي، لكنني لم اتعرف على المسميات

[ماما فرح]

 

يا أستاذنا لم أسأل عن نوع صابون كويس وإلا كنت سألت أبلة نظيرة أو منى عامر أو الشيف أسامة 

أنا سألت عن المادة التي تحدث الرغوة وبالتالي تجعل الصابون يقوم بوظيفته المفترضة

وأسأل إذا ما كانت هذه المادة مثلا غالية أو نادرة أو وضعت على قايمة المواد المحظورة دولياً    يمكن داخل فيها اليورانيوم مثلا

عندك إجابة ولا أسكت وأكتفي بالرغوة والتوفير؟

 

[امينة]

 

اسفة يا استاذ على التأخير 

بصراحة لما قريت الموضوع جاني نفس سؤال ماما هادية

معاك يا أستاذ

ما معنى صابون عادية وصابون صناعية؟
شرحت لنا الفرق الكيميائي، لكنني لم اتعرف على المسميات

ماما فرح

عندك إجابة ولا أسكت وأكتفي بالرغوة والتوفير؟ [/color]

 

قصدك الريحة و التوفير