لمن تقدم وسام التميز

[ريحان المسك]

مفيش ثالث يا ماما هادية

هما كانوا تلاتة درع و وسامين

الدرع مع نادر

و الوسامين مع محب و اسيرة

بس خلاص

[امينة]

                                                                                               


لاء يا سارة هما ثلات اوسمة و درع واحد و عشان ننتظم شوية حعيد كتابة مسار الاوسمة و الدرع هنا 


الوسام الأول  ماما فرح --> سيفتاب --> أمينة --> أسيرة الصفحات 


الوسام الثاني  أحمد --> إسلام --> محب الطبيعة --> الشيماء ( مرة تانية ) 


الوسام الثالث  أبو بكر --> ماما هادية --> ريحان مسك --> جواد --> أم البنين --> الشيماء   


درع التميز : أسماء حازرلي --> علومجي  --> نادر

[ريحان المسك]

مهو علشان الشيماء مكررة مرتين مقلتهاش

ماشي يا ستي

و الشيماء

[nader]

يا جماعة اعذرونى فى تأخيرى

أصل تصوروا نفسكم مكانى

دخلت الميل عندى لاقيت رسالة من أيامنا الحلوة

ماما هادية بعتالى رسالة خاصة

وفيها رابط موضوع

وأنا بسرعة كالعادة دخلت أشوف الموضوع

وفجأة لاقيت كلام جمييييييييييل أوى أوى أوى من أخويا محمد

( طبعا كل كلامه لازم يبقى جميل )

لغاية ما وقفت عند اسمى

ايه ده ؟

هو بيتكلم عنى ؟ 

رجعت أقرأ الكلام تانى

ووقفت عند اسمى تانى

وتالت

ورابع

وساعتها قعدت

مش عارف أكتب أرد أقول ايه

ورغم ان كان ورايا حاجات أخلصها على النت

قعدت قدام الصفحة شوية كده

عشان أفتكر قول النبى عليه الصلاة والسلام :

سبعة يظلهم الله بظله

يوم لا ظل إلا ظله

رجلان تحابا فى الله .. اجتمعا عليه وافترقا عليه

ووقتها بجد حسيت قد ايه نعمة الله علينا

فضلنا بيها على كتير أوى أوى من الناس

على فكرة يا جماعة محمد ساكن بعيد عنى بمسافة بتاخد فى المواصلات ما يقرب من ساعة ونصف

وهو أكبر منى بسنة

يعنى مش معايا فى الدفعة بتاعتى

وكمان مش نفس القسم

ويمكن هوايتنا مش زى بعض ( وأهه داخل يخبط فى الشعر بتاعى  )

الرابط الأكبر - والأقوى - اللى بيجمعنا فعلا

هو طاعة الله عز وجل

قد ايه نعمة الله علينا

بجد أنا مش عارف أرد أقول ايه

بس اسمحولى أقول زى ما النبى قدوتنا علمنا عليه الصلاة والسلام

أحبك يا أخى الذى أحبتتنى فيه  



***


ماما فرح .. ماما سيفتاب .. الأخت ريحان مسك ..

جزاكم الله خيرا كثيرا .. ويا رب أكون عند حسن ظنكم ..

ماما هادية

ما شاء الله

مشاعر راقية جدا... بارك الله في أخوتكما 
وأظلكم تحت ظل عرشه يوم لا ظل الا ظله

وبانتظار ان نرى لمن سيمرر نادر درع التميز

اللهم آمين 

أما تمرير الدرع

فما كان لى أن أخلع عباءة ألبسنيها الأخ محمد

استنوا شوية بقى كده 

طيب أضيفي نادر أيضاً إلى الإنذار  لا أتوقع دخوله قريباً    كالعادة يعني

 

 

 

بس نادر المفروض شاف الموضوع البارح  يعني باذن الله يدخل قريبا 

ايه شغل المخبرين ده يا أخت أمينة 

أيوه فعلا أنا دخلت المنتدى وقريت المشاركات

لكن ماكنتش عارف أرد ساعتها 

جزاكم الله خيرا

أحمد

[امينة]

 

 ما شاء الله
 
بارك الله في اخوتكما  يا رب

و بالنسبة للمخابرات فدا شغلنا 

[ماما هادية]

ما شاء الله يا نادر

اقتداء بسيدنا عثمان بن عفان 
يعجبني الفقه المعاصر وتطبيقاته المبتكره جدا 

أمينة  هصادر كل الاوسمة لاحقا وأمنحها لك... تقديرا لجهودك الاستخباراتية عالية المستوى

[ريحان المسك]

الله الله يا ست امينة

ايامك

مبروك اخي نادر

بس متتأخرش في التمرير زي الاخ علومجي و محب و اسير

[علومجى]

أما تمرير الدرع

فما كان لى أن أخلع عباءة ألبسنيها الأخ محمد

استنوا شوية بقى كده 

 
 
عادى ماهى مش أول مر ة يا حمادة

[ريحان المسك]

اسيرة الصفحاااات

استاذ نادر

استاذ محب الطبيعة

الشيماء احمد

الأوسمة جمدت يا جماعة , ما تلحلحوها بقا و تمرروا لحد تاني

على فكرة , اول ما فتحت الموضوع ده حبيت اقرؤوا من أوله , و بجد بجد رجعت ضحكت زي الأول

يلا يا ماما هادية , ساعديني و ضمي صوتك الى صوتي مجددا

[أسيرة الصفحات]

شكل الوسام خلل معايا
!!!!!
أعتذر منكم يا جماعه
لكن أنتم المخطئين أعطيتم وسام التميز لشخص كسول جدا
جزاكم الله خيرا جميعا
و جزاك الله خيرا غاليتي أمينه على هذا الوسام الذي هو فخر أعتز به
و قد ظل معي الوسام فتره طويله و حان الوقت أن أمره لأحد
إهئ ... هتوحشني أوي يا وسام
و أمرر وسام التميز ل.......
لغاليتي
صديقتي
و أختي في الله
الداعية الصغيره التي أرى دوما من خلالها الأمل
صديقتي , بل أختي التي لم أرها أبدا
جمانة القدس ...
إنها أغلى من لها مكانة في قلبي
بين الأخوات
هي التي علمتني معنى الحب في الله
ربما لم تشارك كثيرا في أيامنا الحلوة
لكنها شاركتنا المجله وقت مأساة غزة
شاركتنا من قلب فلسطين الحبيبة
شاركتنا الكتابة و التصميم
و نثرت كلماتها بيننا

أحب في الله يا جمانة
و إليك الوسام و لو أني كنت آمل أن أعطيه لك بنفسي
لكنك تعلمين
أننا لا نلتقي
إلا على سطح القمر
أليس كذلك ؟
أنت تستحقينه عن جداره

[ازهرية صغيرة]

السلام عليكم

نريد كميرة الن لنصور هذا المشهد المؤ ئثر

ادة الحب دة كلو طب عيزين نشوف جمانة القدس الاول قبل منوافء كدة

ولا مستحيل

يلا كل عضو معاة وسام يدية لحبيبو وتبئا كوسة

واحنا نتبهدل فى النص  صح ولا اية

ادة مفروض يتم ترشيح اشخاص ونختار منهم مش كدة

ابدا ربنا لايقبل بالظلم

[ماما فرح]

الفكرة من الوسام يا أزهرية أن يعطيه الشخص لشخص أثر فيه ويرى من وجهة نظره أنه يستحقه

يعني ليس الأفضل هو من يحصل على الوسام بل من أثر في حياة وأفكار صاحب الوسام فقط بأي شكل من الأشكال

مبارك لجمانة وتستحقه عن جدارة ولعلها تكون فرصة أن نراها بعد كل هذا الغياب ونسعد بوجودها في أيامنا الحلوة 

[أسيرة الصفحات]

عزيزتي ازهرية ( ليه مكبره الموضوع )
لا تحزني و ما كنت لارشح شخصا لا اعتقد ان له تاثيرا في المنتدى و لو كانت صديقتي لكنها ايضا اثرت في كثيرا عبر هذا المنتدى و اثرت في اخرين
ليس على النجم ان يكون كبيرا جدا ليلمع
و ليس الوسام بكثره المشاركات و لكن بقيمتها

 لم اقصد ان اظلم احدا و لم اكن اشارك في الموضوع لكي لا اغضب احدا فلا تغضبي ان كانت مشاركتك احزنتك فاني لم اقصد و لكني عبرت عن وجهة نظري تجاه شخص مؤثر فيمن حوله و هي ليست كوسه كما تظنين

و ما المانع ان اعطي الوسام لشخص احبه فاني هنا احب كل الاخوات و اي اخت كنت سامرر لها الوسام كنت ساكون احبها في الله!
على العموم ارشح جمانه و ان اردتم ترشيح شخص اخر افعلوا , ما رايكم

[أسيرة الصفحات]

  ذكاء مني اني يكون في ايدي اهدي المتفوقين هديه و أنسى
!!!!!!!!!!!!
معلش يا ازهريه محسوبتك ذكيه جدا  و عموما يا ستي متزعليش
يا ربتني اقدر امرره لاكثر من شخص    ممكن ؟

[ماما فرح]

اختيارك سليم يا سلمى وتحققت شروطه

أتمنى من كل قارئ للموضوع، ان يهدي هذا الوسام لعضو آخر في المنتدى، شعر ان وجوده في المنتدى أضاف له روحا جديدة ولمسة خاصة

بشرط:

- امنح الوسام لعضو مختلف لم يسبق له الحصول على وسام
- واستخدم وساما واحدا فقط
- وبيّن الأسباب


هيا بنا

 

[ماما فرح]

ذكاء مني اني يكون في ايدي اهدي المتفوقين هديه و أنسى
!!!!!!!!!!!!
معلش يا ازهريه محسوبتك ذكيه جدا  و عموما يا ستي متزعليش
يا ربتني اقدر امرره لاكثر من شخص    ممكن ؟

لا يا سلمى

تمريرة واحدة فقط إلا لو كانت أوف سايد

وتمريرتك جوووووووووووووووووووول وجول وجول 

[جمانة القدس]

بسم الله الرحمن الرحيم
السلام عليكم ورحمة الله وبركاته

جئتكم   

أخبرتني سلمى أمس بالوسام.. ما أجملك يا أسيرة الصفحات وأغلاكِ..
ومع أني لا أستحقه، إلا أنه أعادني إلى هنا.. وأنا أحب هنا وأحب أهلَ هنا :)

ولا تظنوني غائبة عنكم، إنما أنا وجهان لعملة واحدة 

سأحتفظ بالوسام قليلاً لأستشعره من سلمى وأيامنا الحلوة.. ثم أعود فأمرره 

دمتم في حفظ ربي ورعايته

[ماما هادية]

مرحبا بعودتك يا سلمى
وشكرا لك على إحيائك لهذا الموضوع

وجمانة فعلا تستحق

لكن مش شغلانة كل واحد ياخد الوسام وينام عليه

ويا أزهرية... لا تحزني... واقرئي الصفحات السابقة وانظري الى صبر علومجي وتطلعه للحصول على الوسام 

أسعد الله أيامه بكل خير

[سيفتاب]

مش ممكن سلمى وجمانة

بنتيني الحلوين

طبعا يستاهلوا وعن جدارة

يا سلمى ويا جمانة

كفاية غياب بقى 

[جمانة القدس]

بسم الله الرحمن الرحيم
السلام عليكم ورحمة الله وبركاته

لن أتأخر يا ماما هادية :)

سأهدي الوسام لأختي الصغرى (أزهريـــــــــــــة)
لأني تعلمت منها ألا أقبل بالظلم.. وأطلب حقي إن شعرت أن لي حق بأ] شيء 

ربي يكرمك يا أزهرية صغيرة.. وتصيري أزهرية كبيرة في قلبها القرآن..
يا رب 

وسلام غال لماما فرح وخالتو سيفتاب الحبيبات.. والله اشتقت لكنّ جداً!

دعواتكم يا جماعة..
وشكراً لأنكم تذكرتموني..

أختكم