نكت ... نكت... مين يزود

[أم وعالِمة]

ايه يا جماعة 

هافتايم

هدوا اللعب شوية 

طب اسمعوا دي ياللا




رئيس دولة فقيرة زار أحد الدول

فاستقبله الأمير

ورحب بيه وقال خذوه لقصر الضيافة،

فقال الرئيس الضيف : لا أنا عاوز بدل سكن

 

ههههههههه جاامدة مووت

طيب خدوا دي بقا 

بيسألوا واحد مصري : ايه رأيك في أكل اللحمة ؟ ؟
قالهم : يعني ايه لحمة ؟؟؟

سألوا السوداني : ايه رأيك في أكل اللحمة ؟؟
قالهم : يعني ايه أكل !!!

سألوا العراقي : ايه رأيك في أكل اللحمة ؟؟
قالهم يعني ايه رأي !!!!!!!!!!!!
( طبعا النكتة دي اتقالت في عهد صدام ! )

وتعليقا على النكتة بشكل جاد شوية

ممكن نقول ان الشعب المصري بقا يميل انه يبقا نباتي
بسبب حكومته اللي غلت الاسعار ..
فهو محروم من البروتين الحيواني غصب عنه
رغم اننا بلد النيل .. او النيلة !!

لكننا نظل افضل من شقيقنا السوداني الذي ألهته حكومته في معارك و حروب أهلية و دينية
وصراعات عى السلطة مما انهكهم عن توفير أحد أساسيات الحياة لشعبهم الطيب البائس ..

بس أعتقد إن لو اخونا العراقي مش عارف معنى الرأي
فإحنا ( نَسينا ) أو ( نُسينا ) معنى الكلمة
والحالتين سواء في نظري
ومحتاجين اعادة تأهيل ...

[كابتن ميدو]

اية خلاص النكت بتعتكم وقفت عند كدا...

الكابتن ميدو وصل ........




مدرب كرة قاعد فى قهوة ..... طلب واحد قهوه وسط ... وأثنين هجوم



مرة مذيعة أتجوزت واحد شخصيته مهزوزة ... ركبتله أريال


محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟   قال له : لا خروج المغلوب



واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر



مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط

[حائر في دنيا الله]

بيقزلك يعم ميدو
اتنين ماشيين في الصحرا وشايلين باب

فجأة هجم عليهم الأسد

الأول حط الباب واستخبي وراه

والتاني قعد يصرخ ويخبط على الباب جامد

افتحلي افتحلي ......الأسد هياكلني

....
وبمناسبة الأسد
بيقولك واحد جاب دش على السطح
ومش عايز حد يلعب فيه
قام قال لسكان العمارة
أنا مربي أسد فوق السطوح وياريت محدش يطلع
فواحد لمض حب يعرف إيه اللي بيحصل طلع يشوف في الضلمة
فنزل متعجب جدا
سألوه ... لقيت إيه
قال
شفت الطبق اللي الأسد بياكل فيه!!!

يلاا أي خناقة

عم محمد
مبلاش دي

واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر

 [/color][/size]

[أم وعالِمة]

مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط

 جااااااااامدة جداااااا ياكابتن

فظيعة

وبمناسبة النكتة دي
في طفل مرة خبط على جارتهم وفتحتله الباب : عاوز ايه ياحبيبي ؟
ممكن اشوفك لسانك ياطنت؟
ليه ياحبيبي ؟
أصل ماما بتقول إن لسانك زي العقربة !!!

[كابتن ميدو]

والله الامهات هنا صعبانين علية .......

مش واخدين بالهم انهم هيبقوا  حموات ....

والنكت نازلة فيهم اية مفيش بعد كدا ........

ماما هادية .... ماما فرح ...  سيفتاب ... ايمانيات .......( الحموات القادمات ان شاء الله ) 

ارجوكم دافعوا عن انفسكم ..........

[سيفتاب]

طب فاكرين أبو لمعة والخواجة بيجو؟ 

(أبو لمعة أكبر فشار علة واصع اوي خالص هههههههه)

اسمعوا دي


أبو لمعة : شوف يا خواجة، وانا فى آخر رحلة ليا فى الاسكيمو، كنت لابس الجلابية الدبلان

المخططة بتاعة اخويا شلبى، ومقيّل تحت شجرة جيلاتى ! بيني وبينك انا نمت وانا مفتح بقى

علشان اول ما حتة جيلاتى تستوى، تقع فى بقى على طول، بس لجل البخت الاسود، تعبان شاف

بقى مفتوح افتكره جحر راح داخل فيه



الخواجة بيجو: دا اكيد تعبان صغير بقى اللى عرف يدخل فى بقك ده


ابو لمعة : صغير مين يا خواجة، ده طوله 700 متر!


الخواجة بيجو : يا سلام، دخل التعبان اللى طوله 700 متر فى بقك وانت نايم من غير ما تحس ولا

تصحى؟


ابو لمعة: لأ ما انا صحيت فى نصه كده، لقيت ده داخل فى بطنى قعدت اشد فيه وهو يتزفلط اشد

فيه وهو يتزفلط، لحد ما دخل كله جوه بطنى!


الخواجة بيجو : يا خبر ابيض، وعرفت تطلعه؟


ابو لمعة : ابدا وحياتك، عملت البدع علشان اطلعه ما فيش فايدة، آخر ما غلبت رحت قالع ونازل له!


الخواجة بيجو : نازل له فين؟


ابو لمعة : فى بطني ! وهو شافنى نازل راح واخد ديله فى سنانه وطالع يجرى، وانا وراه

يدخل يمين ادخل وراه، يدخل شمال برضه وراه، لحد ما وصل بيت الكلاوى، راح داخل البيت وقفل

الباب على نفسه !


الخواجة بيجو : طبعا ماعرفتش تدخل وراه ورحت مروّح


ابو لمعة : لأ، اروّح ازاى، انت عارف تحت بيت الكلاوى فاتح واحد حلاق، قلت اخش اخد دقنى

واستنى التعبان لما يخرج، نص ساعة كده ولقيته مطلّع راسه من الباب، بص يمين بص شمال

ماشافنيش راح متسحب خارج، رحت خاطف الموس من ايد الحلاق وهاجم على التعبان،

شوف يا خواجة، هى ضربة واحدة بالموس قسمته نصين !


الخواجة بيجو : بضربة واحدة قسمت التعبان الـ700متر؟


ابو لمعة : بالطول وحياتك

[ماما فرح]

والله الامهات هنا صعبانين علية .......

مش واخدين بالهم انهم هيبقوا  حموات ....

والنكت نازلة فيهم اية مفيش بعد كدا ........

ماما هادية .... ماما فرح ...  سيفتاب ... ايمانيات .......( الحموات القادمات ان شاء الله ) 

ارجوكم دافعوا عن انفسكم ..........

ما يصعبش عليك غالي يا كابتن
هو مفيش سكاكين وسواطير في البلد ؟ 
أنا نازلة اشتري كام شومة .. حد عايز حاجة أشتريها له معايا؟ 

[ماما هادية]

أه والله يا فرح
جيتي في وقتك

انت عارفة طلبي كويس قوي...
بس يكون سوبر جامد هذه المرة...
 
 

[كابتن ميدو]

اية ياجماعة انا كنت باهدي النفوس ......

علي العموم انا نازل اجيب قطن واللوازم عشان  الدم ميبقاش كتير في المنتدي ....

[ali whdan]

لقد قمت بحذف الكلام من هذه الرساله لانه كان جارحا لبعض الاعضاء

و بقدم اعتذارى ليهم و اتمنى انهم يقبلوه

اسف مره تانيه يا جماعه

[ماما هادية]

معلش يا علي
لم تعجبني مداخلتك الاخيرة بصراحة
فحتى الهزار له حدود، خصوصا عندما يكون بين جيلين مختلفين، فيجب مراعاة فرق السن دوما، والمحافظة على احترام الكبير ووقاره..
أرجو منك أن تعدل مداخلتك السابقة
وشكرا

[كابتن ميدو]

خلاص ياعلي كلام ماما هادية مظبط واللغة كانت صعبة شوية بالنسبة لجيلين الفرق في السن كبير ...


اقولكم نكتة بقة 

مرة واحد كسب المليون  اتصل بزوجتة فورا وقالها جمعي هدومك في شنطة يالا انا كسبت المليون

قالتلوا الشتوية ولا الصيفية ولا الاتنين قالها اي حاجة المهم ارجع البيت الاقي جمعتي هدومك في شنطة 

وماشوفكيش تاني ...

[امينة]

راح احكيلكم حكايات و لازم تضحكوا 
1) كان في مرة طفل يسمع ابوه و امه يتناقشان عن الاسم الي راح يختاروه لاخته الي جاية في السكة فاستقروا على اسم اسيا فلما راح المدرسه سال المعلم التلاميد اين تقع قارة اسيا فاجاب الطفل بسرعة : في بطن امي 
2) كان في واحد متشيك اوي و لابس حذاء شريه ب3000 دينار ركب حافلة مزدحمة فداست على حذاءه عجوز قال لها :يا حاجه انتي دايسه على 3000 دينار      قالت له:دي بتعتي 
3)كان في عيلة بتتخانق على اسم ابنها اللي جاي في السكة الام تقول انها تسمي ابنها الطويل والاب عايز يسميه القصير فاستقروا على اسم المطاط
4) كان في مرة واحد غني داس على رجل شحاد من غير قصد فاشفق عليه و اعطاه 1000 دينار فقال له الشحاد :هاك رجلي الثانية دوس عليها و زيدني 1000 دينار اخرى 

[كابتن ميدو]

تمام يا امينة ......

والله نكتك عسل بس اية الموضوع كلها حمل واطفال في الطريق .... 

انتي منتظرة حاجة ...

[امينة]

يا ابني انا عزباء  بس انا اموت في الاطفال و حكاياتهم هاك نكتة اخرى مش عالاطفال
كان في طفل مع امه و ياكل خبز في الشارع فسقط الخبز منه فقالت امه : دعه لاتاكله فانه ميكروب
ثم سارا فسقطت الام في حفرة فطلبت منه مساعدتها فقال لها لا انت ميكروب ها ها ها

[Ahmad Saeed]

نكت جميلة بصراحة

خدوا بقى النكتة ده:
*) مرة اتنين يابنيين خبطوا في بعض ، الأول بص للتاني وقاله : سوني !!!

*) مرة واحد راح عزى ..... رجع سلوى !!!

*) واحد يدور وظيفة وسمع عن وجود وظائف خالية وذهب في الموعد المحدد وكله أمل في الحصول على الوظيفة الخالية .. وهناك سألوه

· قالوا له : متى يكون حاصل ضرب 3*3 =10؟
فقال : عندما تكون الإجابة خاطئة

· قالوا : ما هو الشي الذي له أكثر من جناح ولا يطير؟
قال : الفندق

· قالوا : ما هي الكلمة المكونة من أربع حروف إذا أكلت نصفها تموت ، وإذا أكلتها كاملة لا يصيبك شيء؟
قال : سمسم

· قالوا : من هو الرجل الذي يستطيع أن يقف على الأرض ورأسه فوق النجوم ؟
قال : الضابط

· قالوا : ما هو أكبر عدد من المواليد يمكن أن تضعه النعامة ؟
قال : النعامة تبيض ولا تلد

· قالوا : ما هو الشيء الذي بدونه لا تستطيع أن تحصل على الوظيفة في هذه الشركة ؟
قال : كرت الواسطة

· قالوا : وهل معك الكرت ؟
قال : لا

قالوا له : ورينا عرض أكتاف

*)واحد شاف جنازة غريبة ماشية، خشبة وبعدها خشبة تانية
وبعدها راجل ومعاه كلب
وبعدين طابور طوووووووويل
الراجل استغرب وراح سأل الراجل اللي ماشي
ورا الخشبتين
تسمح تفسر لي الحكاية دي!؟
الراجل قال له : بسيطة، اللي في الخشبة الأولى
دي المرحومة مراتي
الكلب شافها بتتهجم عليا قام نط قفش في رقبتها موتها،
والخشبة التانية فيها حماتي، قامت تدافع عن بنتها
نط عليها الكلب قفش في رقبتها موتها
الراجل اللي بيسأل سكت شوية وقال له:
أقدر استلف الكلب بتاعك كام يوم
الراجل قال له: طب خش في الطابور

*)ذات يوم وصل مريض يعاني من الم في ظهره الى المستشفى
فحصه الدكتور ثم سأله : مالذي سبب لك هذا الألم في ظهرك
قال المريض: انا اعمل في دوام مسائي وعندما عدت صباح اليوم الى شقتي سمعت صوتا في غرفت نومي وعندما دخلت عرفت ان زوجتي مع رجل وكان باب البلكونه مفتوح
عندما ذهبت مسرعا للبلكونه لم أجد احدا
ولكن عندما نظرت للأسفل وجدت رجلا يخرج مسرعا وهو يرتدي ملابسه ...
عندها سحبت الثلاجة ورميتها عليه وهذا هو ما أجهد ظهري

وصل المريض الثاني وكانه مصدوم بسيارة
قال الطبيب المريض اللي قبلك حالته سيء لكن حالتك أسوء بكثير .. مالذي حدث لك ؟؟
 قال المريض الثاني: كنت عاطلا عن العمل ووجدت عملا وكان اليوم هو اول ايامي في العمل الجديد ونسيت اثبت ساعة التنبيه .. لذلك قمت متأخرا وخرجت من المبنى مسرعا وانا البس ملابسي ولكنك لن تصدق ماذا حدث لي !!! لقد سقطت علي ثلاجة

وصل المريض الثالث وكانت حالته تبدو أسوء من الحالتين السابقتين .. اصيب الطبيب بالدهشة !! سأل المريض مالذي حدث لك ؟
قال المريض الثالث بينما كنت داخل ثلاجة .. جاء شخص ورماني من الطابق الثالث!!!!

كفاية كده النهاردة

[سيفتاب]

أمينة

 

نورتي أيامنا الحلوة اللي بقت أحلى بوجودك يا ابنة بلد المليون شهيد

 




وكمان مرحبا بثابت

 

عايزين مشاركاتك معنا دائما

[ali whdan]

 ايه يا سيف و لا اهلا و مرحبا بيك يا على ولا حاجه

ده مكنشى عيش و ملح يا شيخه


و الله كده انا ممكن ازعل


لا خلاص انا زعلت


لا متحاولوش انا زعلت يعنى زعلت


يلا بقى من غير سلام

[امينة]

شكرا يا سيفتاب   خجلتيني المنتدى منور بيكم  احكيلك نكتة
كان في عجوز تشوف الشخص اثنين دهبت لطبيب يشوف الشخص عشرة لما دخلت على الطبيب صاح بوجها و قال:كل شخص و دوره مش كلكم مرة واحدة  فقالت له:انت ليه زعلان انا مش جايه عندك بل جايه عند صحبك
ما تزعل يا على ممكن اقول لك مرحبا و اهلا بك

[كابتن ميدو]

ابو ثابت 

مرحبا  واية النكت الرائعة دي ... اتمني نشوف المزيد .

بس مقلتليش الكلب بتاع الجنازة دة في اي بلد ...( لو واحد عايزة يعني ) .


ياسلام يا امينة اية النكت النار دي ...