و برّاً بوالدتي !!!!

[أم وعالِمة]

يااااااااااااااه الدنيا بقت مليانة تراب .. الواحد زهق من التراب اللي مش بينضف ده ...

ايه رأيك بقا يا سماح أجيب فتحية الإسبوع ده تنضف لنا البيت ؟؟؟

سماح محتاسة بين أوراق الباثولوجي و الفارما و ديدان البارا و فيروسات البكتيريا و تجيب
والدتها بدون تركيز : ماشي يا ماما بس لما أخلص امتحانات عشان مش فاضية خالص ...

والدة سماح بحماس : لأ ما إنتي مش هتعملي معاها حاجة خالص
أنا هخليها تعمل كل حاجة لوحدها .. آه إنتي عندك مذاكرة و باراثولوجي و هستولوجي و صعبين !!

- باراثولوجي مين ده يا ماما   !! و هستولوجي ايه تاني اللي هرجعله بعد العمر ده !! 
- أمال يا بنتي ؟؟ 

-- يا ماما اسمها بارا و با ثولوجي .. هستولوجي ده بتاع أخويا اللي فسنة أولى .. جته خيبة ماتعلمش مني
ودخل أسنان ليه !!

- ربنا معاكم يارب و أشوفكم دكاترة قد الدنيا ...

سماح بينها و بين نفسها : ربنا يديكي طولة العمر يا ماما !!!!! 


بعد يومين جاءت فتحية إلى بيت أسرة سماح و كعادة أي واحدة من السيدات الخادمات في البيوت ..
انقلب بيت سماح رأسا على عقب و لم تعد هناك مساحة لأي حد إنو يعمل أي حاجة !!! 

- يا سمااااااااااااااااااااااااااااااااااااااااح .... 
بغضب و عصبية شديدة تنادي والدة سماح ..

- نعم يا ماما ..( تقولها و هي تنهج من الخضة !  )
- إنتي قاعدة بتعملي ايه ؟؟
- بذاكر يا ماما ....
- بلا مذاكرة بلا نيلة قال يعني فالحين أوي . .. نادي أخواتك يساعدوا فتحية و يشيلوا
الحجات دي هي هتشتغل لوحدها ؟؟حرام علينا حتى ...

- يا ماما عندي باثولووووووووووووووجي .. إحنا مش اتفقنا مش هعمل حاجة مع فتحية ؟؟
- أيوة بس إنتي مش شايفاها تعبانة إزاي ؟؟ أمال دكتورة ايه و بتاع ايه !!

( يادي تكسير المقاديف اللي جي فوقته  ) سماح بينها وبين نفسها ..
- طيب مش هعمل حجات كتير ...

والدة سماح : إنتي هتفاصلي !!
خلاص روحي مش عاوزة منك حاجة ... أما أشوف هتعملي ايه فإمتحان البتاع اللي عندك ده !!

عادت سماح إلى غرفتها و هي تسمع والدتها تحادث نفسها بكلمات غاضبة كثيرة ...
( يعني ياربي المفروض أعمل ايه ؟؟ أذاكر و أطنش ماما و تبقا زعلانة مني ؟؟
ولا أرضيها و أضيع الامتحان و المذاكرة و مش قدامي وقت كتير حتى ؟؟؟؟؟ ) 

******
موقف سماح نمرّ به كثيرا معظمنا ... ربما ليس بنفس الشكل تماما لكنه نفس السيناريو متكررا ..

ماذا حين يضعك البعض في موقف اختيار صعب مثل موقف سماح ؟؟؟؟؟؟؟؟؟؟

[ريحان المسك]

تخيلي بقا يا سارة , انا بمر في الموقف دا كل يوم

[ماما هادية]

انا مررت بمثل هذا بالفعل في مستهل حياتي
وما نصحني به من أثق برأيهم، وما طبقته بالفعل واستفدت منه هو التالي:
مهما كنت مزنوقة في الدراسة، لو ماما طلبت مساعدتك اتركي كل شيء وهبي لمساعدتها..
ولو لم يبق لك الا ساعة او ساعتان فقط للمذاكرة، سترين ان الله تعالى يفتح عليك برضى قلبها عنك وتنجزين في هاتين الساعتين ما لا تنجزينه عادة في يوم كامل او يومين

أعرف انه امر صعب التصديق بالنسبة لمن يحسب الامور بمنظور مادي دنيوي..
لكنه بميزان البركة وتوفيق الله عز وجل أمر حقيقي، ومجرب تماما

برضى الأم يفتح الله عليك ويطرح لك البركة في الوقت وفي الفهم وفي التذكر أيضا

بالمناسبة.. أقول لكم هذا الكلام علما انني كنت دوما الاولى في دراستي.. وحافظت على هذا المستوى بحمد الله

[ريحان المسك]

انا احيانا بقوم و احيانا بمضيع الحكي

بس يعني لما بمضيع بكون مزنووووووووووقة على الاخر

حكيك صح ماما هادية

بس صعب

[أم وعالِمة]

** ربنا بيقويكي يا سارة يارب ياحبيبتي و ينجحك بتفوق آمين ...

*** ماما هادية .. كلامك جميل طبعا بس مش عارفة ليه بحس إن ده نوع من التواكل !!
أكيد تنضيف البيت و مساعدة الأم أسهل من المذاكرة ...

بحس إننا لما بنعمل كده كإننا بنطلب الأجر من ربنا في حاجة عملناها إن ناخدها في حاجة تانية ما عملناش فيها !!!

لإن مش دايما إرضاء الوالدين بيكون سبب النجاح .... ولا ايه ؟؟؟؟
أعرف ناس كتير بارين بأهلهم جدا بس مش بينجحوا للأسف ..

مش بقول نعقهم .. لكن المذاكرة نفسها أحد واجباتنا زي الشغل بالزبط و التقصير فيها محاسبين عليه زي الشغل و البر ّ...

ايه الحل ؟؟؟

[ماما هادية]

لا يا سارة
هذا ليس نوعا من التواكل

ممكن تسميه نوع من التواكل لو كان موجها لك من قبل إنسان فاشل مثلا، او لم ينجح في حياته العلمية والعملية.. مش كده 

هذا اسمه فهم صحيح للدين يا سارة.. غائب جدا عن أذهان كثير من المتدينين بكل أسف.. لأنهم تلقوا علوما دينية ومواعظ إما عبر التلفاز، او من خلال بعض الكتب او الاشرطة والمحاضرات المسموعة، لكنهم لم يعيشوا تجربة تربوية حقيقية عميقة، لفقدهم المرشد المربي في حياتهم..

بر الوالدين يا سارة من أهم الفرائض، وهو أهم من دراستك ... تأكدي من هذا... وضعيه نصب عينيك لتعرفي كيف ترتبين أولوياتك للدنيا والدين

الله تعالى لم يقرن شيئا بتوحيده سبحانه إلا بر الوالدين {وقضى ربك ألا تعبدوا إلا إياه وبالوالدين إحسانا}
وقولك أن على الإنسان أن يطنش أمه ليخصص وقته كله للمذاكرة شبيه بقول من يقول لا وقت للصلاة لان عندي امتحانات، او لا أستطيع ان اصوم رمضان عندما يكون عندي امتحان

دراستك نافلة
وبر الوالدين فرض
مطلوب من كل مسلم ان يكون بارا بوالديه
وليس مطلوبا من كل مسلم ان يكون طبيبا

فلا يخدعنكم الشيطان ويقلب لكم الأولويات فيوقعكم في سخط الله تعالى ويمحق البركة من علومكم ومن جهودكم

ولا تجمعوا المذاكرة لليالي الامتحان، وتؤخروها عن وقتها .. حتى لا تقعوا في مثل هذا الحرج
وحاولوا ان تعينوا الاهل كل العام، ليغضوا الطرف عنكم قليلا ايام الامتحانات


بارك الله بكم وسدد على الخير خطاكم وأنار أبصاركم وبصائركم