محتاج دعواتكم ( الامتحانات )

[ريحان المسك]

الحمدلله ربنا يوفقك يا اخ نادر

الامتحان القادم يوم الأحد مادة علم الحيوان ( zoology )

دى أهم مادة بالنسبة ليا 

فاهمين طبعا بقى 

[/center]

عفوا اخ نادر , الظاهر انا اللي مش فاهمة 

[nader]

الدعاء   

[ريحان المسك]

الدعاء  

مع انو لسا مفهمتش حاجة , بس يلا مش مشكلة  , ربنا يوفقك في علم الحيوان 

طيب

بما ان انا شايفة ان الموضوع دا صار للطلبة يتكلموا فيه عن امتحاناتهم

فأنا دوري في الإمتحانات دي وصل و الحمدلله

اليوم 22 / 1 / 2009

ابتداء من الأسبوع الجاي يعني من يوم السبت هنبدأ بالمراجعة للإمتحانات النهائية بتاعت الترم الأول

و الأسبوع اللي بعدو على طول هنبدأ الإمتحانات يعني في 1/2/2009 (شايفين هدية يوم ميلادي بقت ازاي , بقت امتحانات و نيلة )

اول يوم هيكون تاريخ , هوا سهل عموما يعيني و ممتع , بس كلامو كتير 

ربنا يستر

دعواتكم 

[nader]

أنا يوم ميلادى برضه فى امتحانات التيرم التانى دايما

يلا الحمد لله

بس الغريب إن عندكم امتحانات نص تيرم وكمان متأخرة أوى ( هتبدأ 1/2 )

امال هتبدأوا التيرم التانى امتى ؟ 

عندنا فى مصر الثانوية فى آخر السنة بس

والتيرم التانى بيبدأ يوم 7/2

وأول مادة كمان تاريخ

عندنا التاريخ بعبع الأدبى زى الفيزياء كده فى العلمى 

الحمد لله إنه سهل معاكى

استعينى بالله

وربنا يجعل لكِ من أمره يسرا ..


وكان قصدى تكتروا دعواتكم يعنى

[ريحان المسك]

احنا دلقوتي يا اخ نادر خلصنا التيرم الأول و زي ما قلت الإمتحانات بتاعتو بتبدأ في 1 / 2

و الترم التاني بيبدأ في يوم 21 / 2 / 2009  و امتحاناتو النهائية بتبقى في اخر السنة يعني تقريبا بعد 5 شهور

يعني احنا لكل تيرم في امتحانات نهائية , و كمان بقلب التيرم نفسو في فترتين اختبارات دورية

شايف يا اخ نادر الحلاوة اللي احنا فيها  , ميعديش يوم الا لازم يكون فيه امتحان ان شا الله يكون ورقة عمل 


و بالنسبة للتاريخ 

في طالبات عندنا بيقولو عليه غول مش بس بعبع , بس الواحد لو بيحب حاجة هيلاقيها سهلة و حلوة جدا

و بعبع الفيزيا , خللينا ساكتين بس الله يكون بعون العلمي


و خلاص هنكتر الدعوات , عُلم

[نور الهدى]

وأنا أيضا اختباراتي في نفس التواريخ اللي قالت عليها ساارة

 ولا تنسوني من الدعاء حاكم أنا علمي بقااا

 وبصراحة الكيميا هادا الترم لم أستطيع ان أتفق معها أبدا 

 وغيرت وجهة نظري عن الكيميا كلها بسبب هذه الكيميا العضوية

يعني بصراحة يحتاج الى مجهود جبااااااااااااااااااااااااااااااااااااار (اتذكرت اغنية عبد الحليم بتاعت جباااااااااااااااااااااار)

 عنجد أنا بأمس الحاجة إلى الدعاء فلا تنسونا منه  

[ماما هادية]

وفقكم الله جميعا في جميع الامتحانات
ظروف السعودية يا نادر مختلفة قليلا عن بقية دول العالم
فعندنا موسمان تتعطل فيهما الدراسة في المملكة وهما العشر الاواخر من رمضان، وموسم الحج
حيث تستقبل المملكة وفودا تبلغ الملايين من الحجاج والمعتمرين، فيتم تفريغ بيوت مكة لهم وتزدحم شوارعها وتتعطل حركتها الاعتيادية وبالتالي مدارسها ايضا، وكذلك الحال بالنسبة للمدينة المنورة... كما يستنفر عدد كبير جدا من ابناء المملكة ورجالها للقيام باعمال الطوافة من اسكان للحجاج او اطعام او تأمين مواصلات أو استقبال عبر الموانئ والمطارات.. إلخ.. لان هذا الموسم يعتبر مصدرا رئيسيا للرزق لنسبة كبيرة من السكان

ولهذا تتعطل الدراسة في هذه المواسم، مما يؤدي لتأخرنا عن بقية البلدان لعدة أسابيع

[ريحان المسك]

غدا لدي امتحان عملي لمادة (علم البيئة)

شايفين بيحطوا مواد ازاي في الأدبي 

منقولش غير الحمدلله , و أهو يعني انا بحب الأحياء جدا و عملت مية حيلة و حيلة عشان يدخلوا مادة الأحياء معانا في الأدبي  حتى لو كان عليها نص الدرجة المقررة , بس ما رضيوش يحطوها و حطوا بدالها مادة (علم البيئة) ,  و لترجمة المصطلح اقول انها علوم سنة رابع ابتدائي 

الحمدلله

دعواتكم

[ماما هادية]

ما اخبار امتحان علم الحيوان يا نادر؟؟

[nader]

نور الهدى : 

كيمياء عضوية تانى

ربنا يكفينا شرها

ربنا يفتح عليكى يارب ويعينك


ريحان مسك :

الامتحان كان عامل ايه ؟؟

يارب تكونى حليتى كويس ..


ماما هادية : 

الحمد لله حليت كويس فى الامتحان

كان فرعين : مفصليات الأرجل (arthropoda )

والرخويات ( mollusca )

الفرع التانى الحمد لله حليته كويس

الأول كان عجيب

أسئلة لا علاقة لها بالمنهج نهائيا

والدكتورة فعلا دخلت وقالت كده

بس معتمدة هل الحاجات اللى فى المنهج إحنا فاهمينها ولا لا

لو فاهمينها هنحل الأسئلة دى 

الميزه إنها كانت جايبة أسئلة كتير أوى صعبة بس عليها درجات قليلة

وأسئلة بقى فى المنهج وعليها درجات كتيرة نسبيا

فالامتحان طلعنا حاسيين إنه صعب بسبب الأسئلة الكتيرة اللى مش عارفين احنا جاوبناها صح ولا لا

يعنى كان فيه سؤال بيقول : لو سمحت , شغل دماغك وخمن الإجابة    

 

بس الأسئلة دى درجاتها قليلة

أنا فى آخر الامتحان والله ببص فى سؤال وكنت مصدع من كتر التفكير

وعمال اسأل يعنى ايه (arthropoda ) دى 


الحمد لله العموم حليت كويس بفضل الله وبكرمه

جزاكم الله خيرا من النهاردة لبكره 

يوم الأربع الجاى آخر امتحان بقى

امتحان النبات botany

وهم 3 فروع

فرعين مذاكر فيهم تلات أرباعهم قبل كده

وفرع لسه هابدأ فيه 

كان نفسى أذاكر امبارح بعد ما رجعت من الامتحان

بس اكتشفت إن النوم  بعد الامتحان على طول غير إرادى وماينفعش أتحكم فيه

لازم أنام ما لايقل عن 10 ساعات 

الحمد لله

أدينى فايق أهه وهدخل اشوف الدنيا بتمشى إزاى فى الحاجات العجيبة دى

الله المستعان

وفقنا قبل كده

قادر إنه يوفقنا دايما

مهما كان تقصيرنا ..

[سيفتاب]

الحمد لله يا نادر

اختبار آخر مضى على خير

عقبال علم النبات

وتيجي تبشرنا بقى بنجاح باهر أنا بقولك أهو 

[nader]

آه إن شاء الله آجى أبشركم

بس مفيش حاجة ساقعة

بقول من أولها أهه 

[ريحان المسك]

الحمدلله يا نادر الإمتحان كان كويس جدااااااااا , حلليتو كللو صح 

مش قلت انو علوم رابع ابتدائي , كللو بيئات و حيوانات و خصائص و مميزات , باختصار كدا , البيبيهات تقدر تحللو , معرفش ليه حطوه في منهج الادبي لو كانوا حطوا مادة الأحياء زي ما افترحت عليهم كان احسن  , بس نعمل ايه حكم القوي على الضعيف , الحمدلله

و الحمدلله على حللك الكويس في علم الحيوان ربنا يكرمك يارب و تنجح فيها

و عقبال علم النبات يارب , اعرف انها اسهل من علم الحيوان , كدا قالولي في سوريا معرفش بقا في مصر عندكم ازاي الموضوع 

ربنا يوفقك و يفتح عليك فتوح العارفين

و اهو يا سيدي انا بقوللك مش بس حاجة ساقعة , و شربات و ملليسة كمان لكل الناجحين من الطلبة في المنتدى بعد الإمتحانات  , و على حسابي 



بكرا انا عندي امتحانين مش مهمين يعني اوراق عمل في مادة حديث و كمان علم بيئة , بس المرادي تحريري مش عملي , ربنا يستر 

دعواتكم 

[ماما هادية]

الحمد لله على توفيقه وفضله
نسأله لك مزيدا من التوفيق في علم النبات، وأن يفتح عليك فتوح العارفين


والحمد لله على نجاحك يا سارة، وموفقة في بقية الامتحانات

[ريحان المسك]

اميييييييين يارب يا ماما هادية , شكرا لإلك

[ريحان المسك]

احنا دلقوتي خلصنا التيرم الأول و زي ما قلت الإمتحانات بتاعتو بتبدأ في 1 / 2

و الترم التاني بيبدأ في يوم 21 / 2 / 2009  و امتحاناتو النهائية بتبقى في اخر السنة يعني تقريبا بعد 5 شهور

عذرا يا جماعة , اخطأت في التاريخ 

لم اكن اعلم انه يوجد اسبوع اخر , فعلى ذلك اصبحت الامتحانات النهائية لي و للينة و لنور في 8/2/2009  و ليس في 1/2/2009

و التيرم الثاني سيبدأ بعد التغييرات في 28/2/2009   

عذرا على الخطأ , تحمسي للإمتحانات جعلني انقص اسبوعا كاملا

[nader]

الحمد لله على توفيقه وفضله
نسأله لك مزيدا من التوفيق في علم النبات، وأن يفتح عليك فتوح العارفين

اللهم آمين يا ماما هادية

لأنى فعلا تايه فى النبات جدا

وبدعى أنجح فيه بس

اللى أنا مذاكره مش عارف أراجعه

واللى مش مذاكره مش فاهمه 

أنا تبعت من النبات ده

كل سنة نفس المشكلة والمادة الغبية دى

ربنا يستر

[ماما هادية]

استعن بالدعاء وبشيء من الصدقة

يسر الله لك أمورك وفتح لك أبواب العلم والفهم، وأخرجك من ظلمات الوهم والوهن

[ريحان المسك]

اعزائي المستمعين
 
وردني هذا النبأ العاجل 

بداية , نور الهدى تهدي تحياتها لكم جميعا و تعتذر لكم لعدم دخولها و قلة مشاركاتها و ردودها فعندها بعض المشاغل , و قريبا عندما يتيسر لها ستدخل و تعود الى منتدانا بتفاؤلها المعتاد

و لكنها تطلب منكم و بألحاح شدييييييييييييييييييييييييييييييد جدا جدا جدا جدا ان تدعوا لها فهي خائفة كثيرا من الإمتحانات القادمة التي ذكرتُ موعدها مسبقا في الموضوع

و خاصة من مادة الكيمياء , قلقة و خائفة جدا جدا جدا و بالفعل هي بحاجة ماسة الى كل دعوة لكي يخفف الله عنها هم الدراسة و تتفوق في المادة

و أيضا لديها غدا امتحان في مادة الفيزياء  , دعواتكم لها

يا حرام يا علمي , الله يكون بعونكم جميعا , صعبانين عليا

طيب

يارب يا كريم تكون بعون نور الهدى في المذاكرة و تفتح عليها فتوح العارفين يارب العالمين

كما افادت نور الهدى بالتالي لكل من ماما هادية و امينة

ماما هادية , نور الهدى تشكرك جددددددددددددا على سؤالك عليها بالأمس , قلت لها في المدرسة و هي تشكرك جدا , و تطلب منك الدعاء

امينة , نور الهدى تسلم عليكِ و تقول لكِ ان تدعي لها



هذا كان نهاية النبأ العاجل

ريحان مسك , ايامنا الحلوة


وشششششششششششششششششششش 

[ماما هادية]

بلغي نور الهدى سلامنا

يسر الله لها أمرها ووفقها في امتحاناتها وفتح عليها فتوح العارفين