تعليمات لا تعرف عقباها الا بعد النتائج ...

[أسيرة الصفحات]

  لهجتي فيها أغلاط ,  فرجيني إنتي كيف بدك تحكي مصري 

هههه , إحم بالعوده للموضوع

ربنا يا رب يكرمك يا ساره و ترتدي الحجاب قريب جدا عن قناعه و رضا و حينها لن تتخلي عنه أبدا مهما حصل 

بدي إياكي تصلحيلي الأخطاء مشان أقدر أكلم كل صديقاتي الشاميات , لأني احب كتير اللهجه الشاميه و بدي أحكي بيها كمان , طبعا معهم فقط مشان ما يقولو علي مجنونه بالبيت 

بتعرفو ما هو سر حبي للهجه الشاميه

؟؟

من وجهة نظري هي أقرب اللهجات للغه العربيه

يعني ما شاء الله عليكم لا رقيق بزياده مثل المصري المتدلع و لا ثقيل كالخليجي يعني وسط

و كمان حبيت اللهجه من باب الحاره و حسيتها كتير معبره مع اختلافي معكم عن انتقادكم للمسلسل 

ملحوظه على جنب . لا تستني الموقف يدلك عالحجاب , صدقيني انتي تصنعي الموقف اجمل و افيد و يكون بقرار من داخل القلب ,

 

اللهم وفقها و أكرمها و اهدها و اهدنا معها الى ما تحبه و ترضاه

[أسيرة الصفحات]

و لا تنسي عزيمه و نص كمان , بس ماما هاديه اللي هتدفع :) صح يا ماما هاديه

[ريحان المسك]

ههههههههههههههه و الله مين بدو يدفع مالي علاقة

بدي عزيمة يحكو فيها اهل الشام و المغرب و الخليج كمان 

لالالالالالا عم امزح

انا ما بدي غير رضا ربي و رياحة نفسيتي من الحجاب

و بعدين عزموني على اللي بدكون ياه ان شا الله يكون زيت و زعتر ما مشكلة

المهم عزيمة و لا تنسوا المهلبية كمان 

سلومة  , المصري اسهل عندي من شرب المي , كيف لكان بعجبك انا

رح علقلي كام تعليق مصري من يوم و رايح و بتختبريني فيهون شو رأيك  ؟؟

[ماما هادية]

و لا تنسي عزيمه و نص كمان , بس ماما هاديه اللي هتدفع :) صح يا ماما هاديه

وماما هادية تحت امركن

وها أنذا أتعهد انك إذا ظبطت امورك يا سارة مع ابيك وتحجبت ، لك عزومة انت ونور ولينة على اي مطعم تخترنه، (بعد اذن أهاليكن طبعا) حتى لو كان آل جابيانو 

ولك تكرم عينك... شو كم سارة عندي انا؟

هي واحدة مصرية وحدة شامية... 

سارة... تأكدي ان قلب ابيك بين اصبعين من اصابع الرحمن، يقلبه كيف يشاء..
لو دعوت الله بصدق، يقلب قلب ابيك من حيث لا تدرين وترينه مرحبا بالحجاب بل وفخورا بك أيضا

داومي على ما اتفقنا عليه وعلى الدعاء

وياريت كل من في المنتدى يدعو لسارة هذه الفترة ان يهديها الله وييسر لها امر الحجاب ويقويها عليه

وتذكروا ان دعاء الاخ لاخيه بظهر الغيب مستجاب، والملائكة تؤمن على دعائكم وتقول لكم بمثل... (الهداية والتيسير يعني)

[نور الهدى]

     الله  يوفقك ياسارة وينيلك مرادك ويعطيك سؤلك  

[ريحان المسك]

لالالالالالا هيك كتير ماما هادية , اي يا عيني شو هالحظ اللي إلي هاد , و لك تسلمــــــــــــــــــــــــــــي  

و يـــــــــــــــــارب يا ماما هادية يارب بأقرب وقت تلاقيني عم امشي مع نور و لينة و انا حاطة الحجاب و مبســـــــــــــــــــــوطة كمان  

منصير كلياتنا بالهوا سوا

مو انا بس العلامة الفارقة فيهون

[♥ أرزة لبنان ♥]

 يا عين يا عيني يا ست سارة  ....

     ما حدا قدك ياعمي    ....

    أكيييد كلنا رح نشجعك ونقوي عزيمتك و نشيل الفكرة المخربطة    إلي في رأسك ...

 

أخيرا شو مشتهية شوفك وإنتي لافة الحجاب ونمشي سوا بالمول ...  مبسوطة لك كتييييير

[ريحان المسك]

طولي بالك انسة لينة

لسا القصة مو اكيدة

لا تتحمسي هيك كتير

ادعيلي بس

[♥ أرزة لبنان ♥]

يااااااااااااااااااااااارب يوافق

 

[ماما هادية]

ما هي الأخبار يا سارة
لقد توقعت ان تكون أحداث غزة قد ساعدتك على حسم المسألة مع نفسك ومن ثم مع والدك

فتيات كثيرات تحجبن بالفعل بسبب هذه الاحداث، وقد وضعت نموذجا عن هذا في موضوع (رسائل إلى غزة)

فهاتي بشرينا

[ريحان المسك]

صح ماما هادية معك حق

و الله اللي صار بغزة خللاني فكر كتير و الللله

حتى بالمدرسة , إجت داعية عملتلنا محاضرة صغيرة بساحة الطوابير , و صارت تقول انو الحجاب ما صار قناعة او لا يعني ما صار لحتى تستنا البنت انها تقتنع او لا لأنو الزمن وصل لآخرو و الحجاب لازم ينحط سواء بدنا او ما بدنا يعني حتى اساسا مافي وقت للتفكير , خلص حجاب يعني حجاب

و بصراحة تأثرت بكلامها كتير

و كمان اللي صار بغزة , و صرت فكر بنفسي و قول انو من المعاصي اللي عم تصير عدم حجابي و هادا اللي عم يأخر النصر على اسرائيل

و بالنسبة لبابا لهللء ما فاتحتو بالموضوع لأني بصراحة خايفة يا ماما هادية , بعرف عذر اقبح من ذنب بس عنجد خايفة

كمان نفسي يكون جنبي حدا يشجعني , يعني انا بعرف انو ما بيصير شوف الناس اللي جنبي لازم ساوي الصح , بس يعني كنت بتمنى لاقي حدا من اهلي على القليلة متحجب منشان اتشجع و اتحجب انا كمان

بس و الله بعرف عذر اقبح من ذنب و ما بيصير احكي هالحكي هاد , بس يعني من وقت الحكي اللي كتبتو من اول ما اتقجمت غير انو عم حط على راسي لما اطلع مع امي على السوق او لما نزل اخي الصغير على الدكان اللي جنبنا

بعرف في حكي مالو داعي بس حبيت صورلك وضعي بالكامل

ماما هادية انا بعرف كلامي ملخبط بس و الله انا هللء حكيتللك على الوضع بالكااااامل

و عنجد خلص صرت مقتنعة انو انا هيك هيك لازم اتحجب سواء هللء او بعدين , بس ما بعرف , في شي مخوفني

مو قلتللك عذر اقبح من ذنب

[ماما هادية]

طيب كيف نطلب من الشباب أن يكونوا شجعانا ويجاهدوا بأموالهم وأنفسهم... وفتياتنا لا يتشجعن على خطوة بسيطة كهذه؟
يعني لو كنت في غزة يا سارة هل كنت ستخافين من اليهود وتخونين المقاومة مثلا لتحافظي على حياتك او أمنك أو .... ؟؟


 

من لا يكون شجاعا في المواقف البسيطة .. لا يمكن ان يكون شجاعا في المواقف الكبرى والمصيرية..
وإذن يا سارة عليك ان تعذري محمود عباس، وعمال الشركة المصرية الذين نقلوا الغذاء للصهاينة ومن على شاكلتهم
أكيد أيضا كانوا خائفين من شيء ما



 

عموما يا سارة.. خللينا نزيد جرعة العبادة قليلا من أجل ان نستجمع مزيدا من الشجاعة
مزيد من القرآن، ومزيد من الصلاة

ما رأيك؟

[ريحان المسك]

اكيد طبعا

بصراحة انا خففت يعني صرت ما صللي شوي من السنن و اقرأ قران بس بالليل قبل ما نام

معك حق

و بصراحة كمان خجلتيني بكلامك بالجزء الاول و حسيت حالي عم ساوي شي كتير غلط و لازم ابعد عنو , يعني حسيت حالي منافقة بصراحة , عذرا على ثقل الكلمة بس عنجد انا هيك حاسة , بس في شي عم يوقفني

ان شاء الله بساوي اللي قلتلي عليه

يارب اجعل الحجاب برد و سلام و يسر و سهولة علي و ليس اجبارا و شيئا ثقيلا يااااااااارب

[امينة]

صورتي من غير حجاب و صورتي بالحجاب ايهما افضل

[نور الهدى]

التعليق مع الصورة راائع جداا     أول ماقرأت كلمة صورتي من غير حجاب وصورتي بالحجاب  قلت بنفسي

  يا الله سارة شو عملت بحالها  بدها يطردوها من المنتدى وبعدها قرأت اسمك يا أمينة يخرب عقلك    ولكن ضحكيني يا امينة أضحك الله سنك

[ريحان المسك]

الله عليكي يا نور

حطينا صورتنا و نحنا صغار لقينا انو ممنوع

يبقى من الغباء اني أحط الصورة الكبيرة

بس كويس انك لحقتي و شفتي الصورة و اسم امينة

[نور الهدى]