(عروسة حلوة)

[(أم البنين)]

 

عروسة حلوة

بسم الله الرحمن الرحيم


كبر الفارس بس فارس من نوع آخر طوال النهار في النادي أو مع أصحابه أو يسمع أغاني هبابية .. أقصد .. (( شبابية)) .. وطبعاً (مامي و بابي مش معترضين) .. لأننا في العصر الحديث .. ولازم يختلط .. ويشوف ... ويسمع ...حتى يعرف( الدنيا ماشية إزاي )


أصل الحياة حلوة


وتمر الأيام ... ويكبر حلم صديقنا فارس الفوارس ..... ويفكر بالخطبة
ترى ما مواصفات فتاة أحلامه ؟؟

ولأن إمكانياته مناسبة... (( أو حتى غير مناسبة .. يتكرر نفس الحلم للأسف ))

ويطلبها كالآتي:

جميلة جداً جداً جداً جداً ... تماما كبطلات المسلسلات الأجنبية والمدبجلة والمدحرجة التي يراها على الشاشة
ورقيقة جداً .. جداً .. جداً .. مثل المطربة.. فتحية بعجر

سيدة مجتمعات... (( يعنى تقدر تتصرف بشياكة و لباقة مع أصحابه علشان يتباهى بيها وكلهم يتفرجوا عليها ...
متعلمة... تجيد النقاش الفكري ....
طباخة هائلة ....
تحب الفسح و الخروج ....
أموره

تملأ البيت حب و سعادة ..



كل هذا جميل جداً.....ولكن ليست هذه المشكلة


المشكلة إنه لا يبحث عن كل الشروط ... ويكتفي بشرط واحد ... و يلف الدنيا يمينا و شمالا (ويبص ... ويبحلق) ويسأل حتى يجد البضاعة المطلوبة... ويختارها على أساس ((((الجمال الخارجي فقط))))
وينسى كل أحلامه السابقة ويتنازل عنها( ويفتكر نفسه بيحلم حلم زي آخر فيلم كان في السينما وإن كل حاجة وردية ....)

ويصرخ هذه فتاة أحلامي يا ماما ...((عروسة المولد))
وبعد أن يتم الزواج .... وينتهي المولد و تنتهي الشهور الأولى ... التى تختفى فيها العيوب
تظهر واقعية الحياة والمسؤوليات والإيجابيات والمرتب وترتيب البيت والعيال والشعل وتقدير كل طرف للآخر... فيجلس الفارس .... بلا كلام ..ولا جواد

ولا حوار ... أمام برنامج عالم البحار .. يائساً ... لأنه لم يجد الحلم الذي كان يحلم به
عارفين ليه..لأنه لم يحلم بطريقه صحيحة

لا نقول أننا لابد أن نذبح أحلامنا... لكن لنوظفها بما يرضى الله
وإلا ... ستنتهي الحياة الزوجية بنتائج مرة

تفسد جمال وجه العروس...كما يفسد الخل العسل







بقلم
أختكم
الفقيرة إلى الله
أم البنين

[ماما هادية]

 

وحشتينا يا أم البنين

تسلم ايديك

[(أم البنين)]

والله يا أختي  أغيب لتخبطي في الإنترنت...وعدم تنسيقي لوقتي
فسامحيني وسامحوني كلكم

[سيفتاب]

جميييييييييييلة يا حبيبتي

وحشتينا فعلا

لا تقلقي نسامحك وننتظرك دائما

والأهم نحبك.

[ماما فرح]

مرحباً بعودتك القوية يا أم البنين 

بس ولا يهمك .. بعد صورة العروسة الحلوة دي مفيش حد هيفكر في الزواج أصلا
 

[(أم البنين)]

إيه رأيك في العروسه
مش حلوه
وبعدين الجمال جمال الروح يا ماما فرح

سيفتاب...منوره

[ماما فرح]

إيه رأيك في العروسه
مش حلوه
وبعدين الجمال جمال الروح يا ماما فرح

هو من ناحية حلوة
  

 

 

لا ياستي أخاف أخش النار 


لكن من الواضح أنها مثقفة 

[(أم البنين)]

من ناحية الثقافة ما تقلقيش

[أم وعالِمة]

المفروض يا أم البنين إنك تاخدي إنذار على الصورة المرفقة بهذا الموضوع ..
لما فيها من فتن نخشاها على إخوتنا و أبنائنا الرجال من أعضاء المنتدى !!!!

ولما قد تسببه أيضا من شحنات نفسية سلبية بسبب الغيرة لدى الفتيات و السيدات من عضوات المنتدى بسبب هذا الجمال الفاتن الأخاذ !!!!!


لكننا نطلب من الفريقين ضبط النفس و غض البصر ..............................!!!!

( فعلا .. غض البصر نعمة أحيانا كثيرة ربنا مش بيطلب مننا حاجة صعبة ابداااااا !!  )


** موضوعك موجع لي بشكل شخصي يا أم البنين .... سلمت يداكِ . ..

[/color][/color]

[ماما فرح]

 

 

[نور الهدى]

وعنجد عودة قوبة يا ام البنين  وسلمت يداكي  والله  مواضيعكم الاخرنية بضحكني ضحك ربنا يستر بس

[الشيماء أحمد]

ام البنين جميل ما كتبتي ...

مفيش عريس وسيم؟ شبيه بمهبب من مسلسل ظلمة .... كما يخطط معظم فتيات هذا الجيل؟

[نور الهدى]

 

  لا مهبب ولا هم يحزنون    تسدقي بالله لقد قابلت آنسات كبيرا بالسن ويقولون يريدون مثل الأفندي مهبب على قولتك

  قلت بنفسي سبحان الله    اللهم ثبت علينا العقل والدين
   
      والله دعيتلها بالهداية رغم اني أصغر منها بكثير ولكن استغربت من موقفها 

    قلت معقولة كبيرات وواعيات ويفكرن بهذه الطريقة    أمال خلو للصغار ايه 

[ماما هادية]

هل تصدقون أنني لم أفهم مداخلة شيماء اطلاقا... وظننت أنها تتحدث عن مسلسل لم أسمع به عنوانه ظلمة.. 

لولا تعليق نور الهدى لما فهمت

[الشيماء أحمد]

 

جزاك الله خيرا يا نور الهدى على التوضيح

[نور الهدى]

  على الرحب والسعة ^_^

[(أم البنين)]

والله يا أخواتي أنا مش عارفه إيه حكاية المسلسل ده
وغيره وغيره
هل من الممكن أن تغير المرأة حياتها من أجل صورة

[(أم البنين)]

أختي أم وعالمه
مداخلتك جعلتني أبتسم
وأنا في حاجه للإبتسام
أدخل الله عليك السرور
نور الهدى...الشيماء..زأم عبد الهادي...بارك الله لي في صحبتكن يا رب

[(أم البنين)]

تنشيط
ورفع
والسلام عليكم ورحمة الله وبركاته

[سيفتاب]

وعليكم السلام ورحمة الله وبركاته

وأنا بقول يا ترى أيامنا منورة أوي كده ليه

أتاريه نورك