هنا يلقون أشعارهم ...

[ريحان المسك]

السلام عليكم ورحمة الله وبركاته
بجد مختاراتكم من الاشعار جميلة جدا
وانا كنت عايزة اقول لكم انى بحاول اكتب ولو خواطر ولسة فى بداية السلم اوى وانا اعرف ان الكتابة قراءة كتير وانا بحاول اعمل كده ونفسى يكون عندى حسن البيان ومش عارفة اعمل ايه لو حد يقدر يساعدنى فيا ريت يكسب فيا ثواب 

 

[/size] [/color]

كويس جدا انك بتحاولي , خلليكي على الطريق و هتوصلي ان شاء الله , الشعر او الخواطر ليها حاجتين اساسيتين الاحساس و بعدين حسن البيان , حاولي انك لما تحصلك حاجة مثلا بتفرحك اوي اوي تعبري عنها بالخوارطر او الشعر و تكتبي كل اللي عندك و بعدين تحاولي تعدلي فكتابتك لغويا و كمان كويس لو عندك حد بيفهم في الحاجات دي يساعدك في تدقيقها , انا حاولت كام مرة اني اكتب شعر وب الفعل كتبت , بس للأسف فشلت , الكلام مكنش موزون و كمان زي مقولتي مكنش عندي حسن البيان .


و بالنسبة للشعر بتاع علي الجارم , شعر رائع بجد , جزاك الله خيرا

[فتاة مسلمة]

ريحان المشكلة اصلا انا بدرس لغة عربية فى اقوى الكليات امر الوزن والقافية انا حاجات درستها بس للاسف معرفش اطبقها على كتابتى والتصحيح امره يسير
اما عن الاحساس انا مش بعرف اكتب عن الفرح انا بكتب نكد بس
واحساسى بيكون عالى جدا من كلام احد اساتذتى بس انا مش بكتب على طول شوية اه وشويتين لأ
لانى حاسة انه مش حلو
مش عارفة اعمل ايه ؟؟؟؟؟؟؟

[ريحان المسك]

انا اقولك تعملي ايه من وجهة نظري

انا غاب عن بالي انك بتدرسي لغة عربية كويس انك زكرتيني , يبقى ازن مفيش اي مشكلة , و انا قلت حاجة تفرح مش حاجة تكئب

هوا احنا ناقصين يا فتاة

طيب

اول حاجة , اكتبي كل اللي فبالك , و ماشي يا ستي لو عاوزة نكد خلليه نكد (بس حطي فبالك اضحك تضحك لك الدنيا ابك تبك لوحدك )

بعد ما تكتبي كل اللي فبالك صححي الكلام و انتي قلتي انو دا سهل

بعدين نجي على الأوزان و القوافي , حاولي بعد التصحيح تستبدلي بعض الكلمات علشان تناسب القافية او الوزن اللي اخترتيه , بمعنى شوفي كل بيت هوا محتاج ايه و على فكرة ممكن احيانا من تغيير الكلمات تصير القصيدة او الخاطرة احلى من الأول بس الحكاية محتاجة رواااق و كباية شاي 

و اخيرا و ليس اخرا

متقوليش (حاسة انه مش حلو) الكلام دا هوا اللي بيرجع الواحد الف خطوة لورا 

انتي حاولتي تعرضي اي حاجة كتبتيها لأستاز من الأساتزة عندك يساعدك في الوزن و القافية و الحاجات دي في تطبيقها على الشعر ؟؟

[ماما هادية]

أول نصيحة لمن أحب أن يسلك طريق الكتابات الأدبية شعرا كانت او نثرا أن يقوي لغته العربية الفصيحة ولا يتكلم بغيرها أبدا.. وكلما أعوزته مفردة بحث عنها، أو التقطها من قراءاته، وبهذا تتسع حصيلته اللغوية ويستقيم لسانه
ثم بالقراءة الدؤوب لروائع الأدب والبيان يرتقي أسلوبه
ثم يحاول أن يحفظ ما يستطيعه من شعر العرب وما يروق له، لتصبح الموسيقى الشعرية (بحور الشعر) سليقة عنده
بعد ذلك يجرب كما قالت سارة، خاصة في حالات الانفعال

أما ان نكتب بالعامية ونتحدث بالعامية ونقرأ بالعامية فهذا كفيل بقتل أي بذرة لأي موهبة كتابية لدينا.. (إن وجدت)

[فتاة مسلمة]

انا قلت انى مش بكتب شعر هى خواطر لا ترقى بعد لان تكون شعرا وبعدين هيه مش خواطر دول كلهم كام خاطرة مش كتير يتعدو على الاصابع
وحاسة ان مسألة الشعر الموزون المقفى لسة بدرى عليه
واستاذى سمع منى الخواطر ومش كلها
وشخص اخر سمعها وقال لى كلام عادى جدا كان ناقص يقول لى ايه القرف ده ومن ساعتها وانا محبطة

[ريحان المسك]

ممكن يعترض يا فتاة مسلمة

بس يعني اكيد مش لدرجة ان يقول ايه القرف دا

لي بتحبي تسودي الدنيا بوشك  ؟!!

الإحباط هوا اللي بيودي بستين داهية 

ماشي مش شعر , خللينا نقول خاطرة , طب انتي في البداية و بنفسك قلتي كدا

يعني معاكي معاكي هتتحسني

لو اتدربتي و عملتي زي ما قالت ماما هادية و كمان تقدري تلتحقي بدورة تدريب

يعني في طرق كتير

يا فتاة مسلمة , متخلليش الإحباط يجيكي و الله التفاؤل مفيش احلى منو , الإحباط بيخللي الإنسان ميقدرش يعمل اي حاجة , اكيد في موهبة جواكي بس حاولي قد ما تقدري تنميها علشان تقدري تكتبي اللي انتي عاوزاه

انا مش عارفة اقوللك اي كمان , مع اني مقدرش لأني اصغر منك و يمكن انتي تعرفي حاجات انا معرفهاش

بس يعني خللي فبالك دايما

التفاؤل خير الأخلاق , بدون التفاؤل حياتنا سوداء قاتمة و مع التفاؤل حياتنا نور و شعاع دائما

[ماما فرح]

أبيات أحببتها

كتبها الشيخ على النحاس - حفظه الله - في رثاء شيخه عامر السيد عثمان - رحمه الله

-----------------------------


رثاء الشيخ عامر السيد عثمان " شيخ المقارئ المصرية
مات رحمه الله عام 1408هـ ودفن بالبقيع
(عامر القلب)

راودتـك المنـى فآوتـك طيبـه *******   يـا محبـا لـم يـرض إلا حبيبـه
بـات ينعـاك كـل قـاص ودان*******   أسمـع الأرض والسمـاء نحيبــه
فقـد علامـة أشـد علـى الناس*******  بـلاء مـن شـر أقـوى مصيبـة
عـامر القلـب بـالقرآن تجلـت*******   فيـك آيـات لسـامعيـك عجيبـة
ما لغيـر القـرآن صوتك يرضى*******   قـد تخـلى عن كل لغـو وغيبـه
قـل لمـن يقـرئ القـرآن بأجر*******    وتغـالـي مـع ازديـاد  وريبـه
مـا ابتغى شيخنا عـن العلم أجراً*******وارتضـى الله حسبـه و حسيبـه
دأبـه الزهـد والتواضـع يحكـى*******   سـمت شيخ من  العصور الرغيبه
وتـراه فى مجـلس العـلم بـدراً*******   قـد أحـاطت به  النـجوم القريبة
يســتوي عنـده أجــاء فقـير*******   أم وزيـر  كـل يحـوز نصيبـه
كـم سقيـم فـي قلبـه شهـوات *******جـاء يشكو  فكـنت أنت طبيبـه
وكـأين من طـالب جـاء يدعوك*******   فعلمتــه  و كــنت  مجيبــه
بيته فـي جـوار أخـت الحسـنين*******منـار هــدى شبابــا وشيبـه
لـم يكـن فيه من أثـاث وريـش *******   غيـر كتب كـانت له  كالربيبـة
وأخـيراً تـراه فى مجمـع الفـهد *******إمـامـا يرجـى لكـل عصيبـة
كنـت للعـلم فـي الكنـانة نجـماً*******قـدر الله فـي الحجـاز  مغيبـه


نظم الشيخ
د. على بن محمد توفيق النحاس
المجاز بالعشر من الشيخ المذكور

[ماما فرح]

عـامر القلـب بـالقرآن تجلـت*******   فيـك آيـات لسـامعيـك عجيبـة
ما لغيـر القـرآن صوتك يرضى*******   قـد تخـلى عن كل لغـو وغيبـه

كان الشيخ عامر رحمه الله إذا تحدث بحديث غير القرآن تلعثم فإذا بدأ في قراءة القرآن تبدل الحال وصارت حروفه فصيحة واضحة قوية

وهذا هو المعنى المقصود من البيتين

[ريحان المسك]

جميل ...

ربنا ارزقنا حسن البيان في اللغة العربية

[نور الهدى]

اللهم آمين ..


وأين أنت يافتاة مسلمة  .. طمنينا ماذا حدث معك .. ^_^

[ريحان المسك]

اي و الله صح

فتاة مسلمة غابت عنا كتير

ارجعي و طمنينا عليكي يا فتااااااااااااة مسلمة