متهيألي و الله أعلم ان محدش بيحب الزعيق , لا الي بيتزعقلو و الا الي بيزعق , أظن أن الزعيق ده شيئ بسبب الشيطان , و الي بيوصل نفسه لمرحله من الغضب خارجه عن السيطره بيزعق
و الرسول صلى الله عليه و سلم نصحنا بأن قال : لا تغضب
و في تفسير الحديث قال شيخ كنت أسمعه في اذاعه القرآن أن كلام الرسول صلى اللع عليه و سلم معناه أن الغضب شيئ ممكن نتحكم فيه و إلا ما نهانا عنه
و أحسن الناس الكاظمين الغيظ و العافين عن الناس و المحسنين
يعني الواحد بيتهيالو أنه هيفش غله لو زعق
الشيطان بيصورله كده
لكن الحقيقه أن كل ما بنزعق ضغطنا بيعلى و بنزعل الي حوالينا
و الغل مش بيتفش بالعكس بيكبر جوانا أكتر
الحل أننا نكظم الغيظ
و نحاول نتحكم في أحبالنا الصوتيه عن طريق اننا نتوضا لو شعرنا بالغضب
من أجمل القصص التربويه أن كان في ولدين في سن المراهقه في المدرسه بيتخانقو مع بعض
جه المدرس
فوجدهم في حاله غضب و احمرار وجه
لم يقل المدرس : ما القصه و احكولي و مين غلطان
لكن قالهم : روحو اتوضو و صلو و بعدين تعالو احكولي القصه
يقول : ذهبو بوجوه محمره غاضبه مكشره
و عادو بوجوه هادئه سمحه و ايد متصافحه !
فيا سبحان الله ! !
