عيب كده ..عيب كده والله ::cry:: ::cry:: ::hit:: ::hit::
اللي بيحصل ده كتير
الناس دي بتجيب الكلام ده منين ؟؟
::what::
العنوان: رد: اقتراح صغير
أرسل بواسطة: ماما هادية في 2010-12-02, 08:21:30
تفجير المشاركات يا سلمى؟
انتي تبع اي تنظيم بالضبط؟؟ ::what::
العنوان: رد: اقتراح صغير
أرسل بواسطة: سلمى أمين في 2010-12-02, 14:08:56
الحزب الغاااااااااااااااااضب
العنوان: رد: اقتراح صغير
أرسل بواسطة: ماما هادية في 2010-12-02, 23:00:20
يا أخ نووي ياريت تشوف لنا حكاية الحزب ده ايه وايه تصنيفه؟ ارهابي؟ محظور؟ معارض؟
عشان نعرف نتعامل معاه كما يجب ::hit::
العنوان: رد: اقتراح صغير
أرسل بواسطة: elnawawi في 2010-12-03, 03:23:58
ده يا ريس حزب "كده وكده" .. من الأحزاب لزوم تحسين صورتنا أمام المجتمع الدولي والمنتديات التانية وعلشان نمثل إن عندنا ديموقراطية .. حزب يمثل إنه غاضب وزعلان وهو في الحقيقة مبسوط وبيحب المنتدى وإدارته جدا جدا .. يعني معارضة بس مش بجد .. زي ما فيه في مصر حاجة وعشرين حزب كده ..
كله تمام يا ريس والأمن مستتب ..
العنوان: رد: اقتراح صغير
أرسل بواسطة: ماما هادية في 2010-12-03, 12:14:28
طب الحمد لله
لو كده يبقى ممكن نمنحهم كرسي في البرلمان
ونتيح لهم المشاركة في الانتخابات النزيهة المقبلة
العنوان: رد: اقتراح صغير
أرسل بواسطة: وليد قطب في 2010-12-03, 12:47:01
طيب المفروض المراسلات دى تبقى داخليه يا ماما هادية ويا نووى عشان منحرجش الحزب امام شعب المنتدى يعنى 50 سنة واكتر بنتفرج على تمثيلية الديمقراطية ولسة مش عارفين نفهمها :emoti_336: يا رب بقى نعيش لحد منشوف الحلقة الأخيرة sad:(
العنوان: رد: اقتراح صغير
أرسل بواسطة: سلمى أمين في 2010-12-03, 14:50:50
الواضح انتو بتتكلموا عني ..
والواضح اني مش فاهمة حاجة ..
سلام...
العنوان: رد: اقتراح صغير
أرسل بواسطة: elnawawi في 2010-12-03, 18:18:32
طيب المفروض المراسلات دى تبقى داخليه يا ماما هادية ويا نووى عشان منحرجش الحزب امام شعب المنتدى يعنى 50 سنة واكتر بنتفرج على تمثيلية الديمقراطية ولسة مش عارفين نفهمها :emoti_336: يا رب بقى نعيش لحد منشوف الحلقة الأخيرة sad:(
معلش يا أخ مهند .. التمثيلية تقترب من فصولها الأخيرة والنظام بطل تمثيل وبدأ يظهر على حقيقته عاريا تماما .. وبعدين تصحيح .. من 52 لـ 2010 مش 50 سنة .. أكتر شوية ..
زعيمة الحزب الغاضب .. بلاش دلع .. مش فاهمة إيه ؟! مش أنتم كل دورة مجلس شعب بتأخذوا 4-6 مقاعد مرة واحدة ؟! عايزين إيه تاني ؟ وبعدين إحنا عايزين نتفرغ الآن لانتخابات الرئاسة وبعدها الحرب التي سنتعاون فيها مع حلفائنا للقضاء على القطاع الصغير اللي جنبنا اللي مليان إرهابيين علشان الحصار اللي عليهم مش كفاية وبيقوي موقفهم كل يوم .. إحنا لازم نخلص عليهم كلهم وبالمرة نعمل تمثيلية جديدة إن المحظورة بتتعاون معاهم ضد أمن البلد ونعدمهم كلهم ونخلص بقى ..
العنوان: رد: اقتراح صغير
أرسل بواسطة: سلمى أمين في 2010-12-03, 18:21:13
العنوان: رد: اقتراح صغير
أرسل بواسطة: elnawawi في 2010-12-03, 18:53:31
مش قلت لكم حزب كده وكده اللي تبعنا ؟! شطورة يا بنت خالتي يا رئيسة الحزب يا عاقلة يا رزينة .. الحزن الوطني في مصلحتِك والمستقبل ليكِ .. كل شباب مصر هيشتغلوا بكرة تشوفي بعينيك ..
العنوان: رد: اقتراح صغير
أرسل بواسطة: سلمى أمين في 2010-12-03, 18:56:17
يا عاقلة يا رزينة ....والله حسة انها شتيمة ..وربنا عالم اللي ف ضميرك :D
الحزب الوطني ...ده زي الفل
العنوان: رد: اقتراح صغير
أرسل بواسطة: elnawawi في 2010-12-03, 19:02:36
مينفعش تقولي زي الفل .. لازم تنتقدينا شوية علشان التمثيلية تتحبك يعني على الخواجات اللي مش فاهمين حاجة .. يعني قولي إنكم تسعون لتداول السلطة ورفع مستوى دخل الفقراء والنهضة بالتعليم وما إلى ذلك .. وانتقدول كل رجال الحكومة والوزراء وحتى رئيس الوزراء .. ولكن امتدحوا في الريس ماما هادية وتحدثوا عن حكمته وثقتكم بقراراته وبقيادته للسفينة .. إلخ ..
العنوان: رد: اقتراح صغير
أرسل بواسطة: سلمى أمين في 2010-12-03, 19:12:57
الحزب الوطني...تراراراراا .....لاجلك انت...انت يالاه منك له.."مش ليكم والله يا جماعة دي تكملة للتمثيلية )
بصوا بقي عشان نبقي واضحين
ان الحزب ليسعي الي توطيد العلاقات بين الدول الاجنبية ورفع مستوى دخل افراد الطبقة المتوسطة ...و توفير خدمات افضل رقيا لافراد طبقة الاثرياء..املا في دفعهم علي البذل في سبيل تنمية موارد الدولة المادية
واحنا بقي بالصلاة ع النبي ملناش دعوة بالطبقة اللي تحت خط الفقر ...اه دي طبقة مش تبعنا اسااسا ...ربنا يتولاهم ..احنا هنعمل ايه يعني ولا ايه...
بنينالهم جمعيات خيرية وزودنالهم في المعاشات ..ومش عاجبهم ...
دخلنالهم الماية والكهربا والنور ...ومش عاجبهم..
بناكلهم اكل اخر نضافة وماية اخر صفاء..صفاء مش هدي,..وال ايه الماية مش نضيفة ..طب والله انا لسه شارب مايه امبارح ..وكانت ولا الحاجة الساقعة ..
بيقولوا النور بيقطع...كدابين ولاد الـ##%%,,,انا امبارح كنت في الشاليه بتاعي والنور مقطعش لحظة
عنف الضباط ضدهم..يا جماعة اللي بيكدب بيروح النار..انا ابني امبارح اتقفش هو واصحابه كدب بتهمة انهم كانو بيتعاطوا ال ايه بانجوووو ..ابني بيقولي لما خرج بعدها ب عشر دقايق لما عرفوا اني ابوه ..انهم كانو شايلينه من ع الارض شيل ..فين الضرب ده..
بيعملوا مظاهرات ..احنا بنأيد تعبير الشعب عن رأيه ..وبالعكس بنتفرج عليهم من البلكونة ..وبيبقي شكلهم تحفة تحفة تحفة .ده حتي ناني بنتي بتجيب الفريندز بتوعها يتفرجوا معاها ..مشفناش حد اتقتل زي ما بيقولوا ولا حد اتضرب ..هما الامن العسكري بيعرفوا يضربوا دبانة ..دول قلبهم قلب كربناية...انتم جبارين ف حكمكم ع الناس ..بتشوفها بنظرة سلبية موت موت موت...
كفاية بقي عشان ورايا مذاكرة
العنوان: رد: اقتراح صغير
أرسل بواسطة: ماما هادية في 2010-12-03, 19:30:20
البنت دي عاجباني يا نووي بتفهمها وهي طايرة
احنا لازم نديلها حوافز ونشجع الحزب بتاعها
اقترح عليهم يؤسسوا صحيفة حرة معارضة
والارباح النص بالنص
العنوان: رد: اقتراح صغير
أرسل بواسطة: elnawawi في 2010-12-04, 15:25:16
نعم تمت الموافقة على تأسيس جريدة مستقلة تحت اسم "المستقبل" ناطقة بلسان الحزب الغاضب .. وهذا اكبر دليل على مدى الديموجراطية وحرية التعبير التي نعطيها للناس ..
وبالتأكيد لن نشاركهم في الأرباح يا ماما هادية .. دي هتبقى مفضوحة جدا ..
العنوان: رد: اقتراح صغير
أرسل بواسطة: ماما هادية في 2010-12-04, 18:58:09
فكرك كده؟ :emoti_17:
العنوان: رد: اقتراح صغير
أرسل بواسطة: elnawawi في 2010-12-05, 00:07:05
إيه رأيك تعمل لهم قناة فضائية كمان بس من غير محد يعرف إنها بتاعتهم .. يعني كأنها قناة مستقلة .. يمكن تنجح تضرب برنامج الثامنة صباحا وبرنامج ثلاثمائة دقيقة وبرنامج 92 ساعة .. نعمل برنامج اسمه "على واحدة ونص" ليعرض آرائنا ولكن في صورة مغلفة بالمعارضة ..
تعديل : نسيت .. برنامج 300 دقيقة وبرنامج 92 ساعة أصلا من نفس الفصيلة وبيقولوا كلامنا بس بيمثلوا إنهم مستقلين .. الخصم الحقيقي الوحيد الثامنة صباحا ومقدمته مي الشلبي .. وإحنا عموما رافعين عليها قضية وبنحاول نحاربها بكل قوتنا ..
العنوان: رد: اقتراح صغير
أرسل بواسطة: سلمى أمين في 2010-12-05, 00:33:16
ايوة يا خالتو طبعا بفهمها وهي طايرة ..كانو دايما يقولولي الكلمة دي..فاكرني سبرتو؟؟
اوكي وماله نعمل قناة فضائيةوماله فيها ايه يعني؟؟..
العنوان: رد: اقتراح صغير
أرسل بواسطة: ريحان المسك في 2011-01-11, 08:09:29
ما شاااااااا الله ::what::
الموضوع كان عن اقتراح .. صار عن احزاب و حروب و برلمانات ::hit::
لالالالا ... انا صرت خاف :emoti_64: :emoti_404:
هههههه الله يزيد و يبارك :emoti_282:
العنوان: رد: اقتراح صغير
أرسل بواسطة: elnawawi في 2011-01-14, 22:49:05
هنعمل إيه .. ما هي السياسة داخلة في كل صغيرة وكبيرة في حياتنا من أول المرتب اللي بنقبضه آخر الشهر حتى طريقة اختيارنا لعم عبده البواب .. كله سياسة في سياسة بس فيه ناس مش واخده بالها ..